بيۋدجەتكە 11 تريلليون تەڭگە كىرىس ءتۇسىپ، جوسپار ارتىعىمەن ورىندالدى - ەرۇلان جاماۋبايەۆ

«بيىلعى 9 ايدىڭ قورىتىندىسى بويىنشا مەملەكەتتىك قارجىنىڭ اتقارىلۋ كورسەتكىشتەرىنە توقتالساق، مەملەكەتتىك بيۋدجەتكە 11 تريلليون 177 ميلليارد تەڭگە سوماسىندا كىرىس ءتۇستى نەمەسە جوسپار 104,8 پايىزعا ورىندالدى. رەسپۋبليكالىق بيۋدجەتكە 7,5 تريلليون تەڭگە شاماسىندا كىرىس ءتۇستى نەمەسە جوسپار 101,9 پايىزعا ورىندالدى»، - دەدى ە. جاماۋبايەۆ.

وسى ورايدا ول كىرىستەر بويىنشا جوسپار 143 ميلليارد تەڭگەگە ارتىعىمەن ورىندالدى، ونىڭ ىشىندە سالىق - 55 ميلليارد تەڭگەنى، سالىققا جاتپايتىن كىرىستەر 89 ميلليارد تەڭگەنى قۇرادى.

«جوسپار يمپورتتىق كەدەن باجى، كورپوراتيۆتىك تابىس سالىعى جانە شيكى مۇنايعا سالىناتىن ەكسپورتتىق كەدەن باجىنا قاتىستى ورىندالمادى. كورپوراتيۆتىك تابىس سالىعى تۇرعىسىندا جوسپاردىڭ ورىندالماۋى 2022 -جىلدىڭ 9 ايىندا 632 ءىرى سالىق تولەۋشى بويىنشا مالىمدەلگەن اۆانستىق تولەمدەر سوماسىنىڭ بىلتىردىڭ ۇقساس كەزەڭىمەن سالىستىرعاندا 29 پايىزعا ازايۋىنا بايلانىستى. سونىمەن قاتار جەرگىلىكتى بيۋدجەتتەردىڭ كىرىس 111,2 پايىزعا اتقارىلدى جانە 3,7 تريلليون تەڭگەنى قۇرادى. جوسپار 371 ميلليارد تەڭگەگە، ونىڭ ىشىندە سالىق بويىنشا 316 ميلليارد تەڭگەگە اسىرا ورىندالدى. كىرىستەر بويىنشا جوسپارلار بارلىق وڭىردە اسىرا ورىندالىپ وتىر»، - دەدى مينيستر.

فوتو:externallearningaustralia.com.au

اۆتور

رۋسلان عابباسوۆ