مۇمكىندىگى شەكتەۋلى 11 مىڭنان استام ازامات اقشالاي كومەك الادى
15900 تەڭگە كولەمىندەگى ءبىرجولعى كومەك I ، II ، III توپتاعى مۇگەدەكتىگى بار ازاماتتارعا بەرىلەدى. قاراجات ءارتۇرلى بانك جانە قازپوشتا شوتتارى ارقىلى تۇسەدى. بۇگىننەن باستاپ ولاردى بازاعا تىركەۋ جۇمىستارى باستالماق.
«بازاعا تىركەۋ جانە تەكسەرۋ جۇمىستارى جۇرگىزىلەدى. ويتكەنى قايتىس بولعان، كوشىپ كەتكەن جانە كوشىپ كەلگەن ادامدار بولۋى مۇمكىن. تولەم بارلىعىنا ءارتۇرلى بانك شوتتارى مەن قازپوشتا ارقىلى تۇسىرىلەتىن بولادى»، - دەيدى اقتاۋ قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ سەكتور مەڭگەرۋشىسى اليا توعىزبايەۆا.
ايتا كەتەيىك، اتاۋلى بىررەتتىك الەۋمەتتىك كومەك قازان ايىنىڭ ەكىنشى جەكسەنبىسىنە بەلگىلەنگەن - مۇگەدەكتىگى بار جاندار كۇنىنە وراي بەرىلەدى.
