جەتىسۋ وبلىسىنان سەنات دەپۋتاتتىعىنا 11 كانديدات ۇسىنىلدى
«15-شىلدەدە وبلىستىق سايلاۋ كوميسسياسى بارلىق 11 كانديداتتىڭ كونستيتۋتسيادا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭدا قويىلاتىن تالاپتارعا سايكەستىگىن تەكسەردى (جوعارىدا كورسەتىلگەن)، بارلىعى سايكەس كەلەدى، ءتيىستى حاتتاما جاسالدى. 15-شىلدەدە كانديداتتارعا تاڭداۋشىلاردىڭ قولدارىن جيناۋ ءۇشىن قول قويۋ پاراقتارى بەرىلدى. سەنات دەپۋتاتتىعىنا كانديداتتى وبلىستىڭ بارلىق ءماسليحاتتارىنىڭ اتىنان وكىلدىك ەتەتىن تاڭداۋشىلاردىڭ جالپى سانىنىڭ (154) كەمىندە ون پروتسەنتى (كەمىندە 15)، ءبىراق ءبىر ءماسليحاتتان تاڭداۋشىلار داۋىسىنىڭ جيىرما بەس پروتسەنتىنەن اسپايتىن داۋىسپەن قولداۋعا ءتيىس. تاڭداۋشىلاردى قولداۋ ولاردىڭ قولدارىن جيناۋمەن كۋالاندىرىلادى. تولتىرىلعان قول قويۋ پاراقتارى تيىسىنشە وبلىستىق سايلاۋ كوميسسياسىنا تاپسىرىلادى، ول پاسپورت قىزمەتتەرىنىڭ قىزمەتكەرلەرىن تارتا وتىرىپ، بەس كۇن مەرزىمدە جينالعان قولداردىڭ دۇرىستىعىن تەكسەرۋدى جۇزەگە اسىرادى»، - دەدى وبلىستىق سايلاۋ كوميسسياسىنىڭ مۇشەسى قاحارمان جاقسىلىق.
ايتا كەتەرلىگى ق ر ازاماتتىعىندا تۇراتىن جانە ونىڭ اۋماعىندا سوڭعى ون جىل بويى تۇراقتى تۇرىپ جاتقان ادام پارلامەنت دەپۋتاتى بولا الادى. جاسى وتىزعا تولعان، جوعارى ءبىلىمى جانە كەمىندە بەس جىل جۇمىس ستاجى بار، ءتيىستى وبلىستىڭ اۋماعىندا كەمىندە ءۇش جىل تۇراقتى تۇراتىن ادام سەنات دەپۋتاتى بولا الادى. ال، زاڭدا بەلگىلەنگەن تارتىپپەن وتەلمەگەن نەمەسە الىنباعان سوتتىلىعى بار ادام دەپۋتات بولا المايدى.
«ۇسىنىلعانداردىڭ ىشىندە: 1 - اۋدان اكىمى، 3 - مەملەكەتتىك قىزمەتشىلەر، 2 - كوممەرتسيالىق قۇرىلىمداردىڭ قىزمەتكەرلەرى، 4 - بيۋدجەتتىك ۇيىمداردىڭ قىزمەتكەرلەرى، 1 - قوعامدىق بىرلەستىكتىڭ قىزمەتكەرى. ماماندىقتار بويىنشا: وقىتۋشىلار - 4، زاڭگەر - 2، دارىگەر - 1، اگرونوم - 1، مەحانيك - 1، جۋرناليست - 1، باسقالارى - 1 ادام. ۇمىتكەرلەردىڭ ەڭ جاسى 1991 -جىلى تۋعان(31 جاس)، جاسى - 1963 -جىلى (59 جاس) تۋعان. 8 ادام (%72,7) «امانات» پارتياسىنىڭ مۇشەلەرى، 1 - «اۋىل» (%9)، 2 (%18,2) - پارتيانىڭ مۇشەلىگىن كورسەتپەدى. ۇلتى بويىنشا: 9 (%81,8) قازاق، 2 (%18,2) ورىس»، - دەدى قاھارمان ەركىناي ۇلى.
3-تامىز كۇنى ساعات 18.00-دە كانديداتتاردى تىركەۋ اياقتالادى جانە تىركەلگەن كانديداتتار ۇگىت جۇمىستارىنا كىرىسەدى.
وسىلايشا، 1-تامىزداعى جاعداي بويىنشا 11 كانديدات ۇسىنىلدى، 6 كانديدات تىركەلدى. سەنات دەپۋتاتىن سايلاۋ بويىنشا داۋىس بەرۋ تاڭداۋشىلاردىڭ- ءماسليحاتتار دەپۋتاتتارىنىڭ بىرلەسكەن وتىرىسىندا وتەدى. داۋىس بەرۋگە قاتىسقان تاڭداۋشىلاردىڭ ەلۋ پروتسەنتتەن استامىنىڭ داۋىسىن العان كانديدات سايلاندى دەپ ەسەپتەلەدى.
ەسكە سالساق، 11-شىلدەدەگى مەملەكەت باسشىسىنىڭ جارلىعىمەن 2022 -جىلعى 24-تامىزعا ق ر پارلامەنتى سەناتىنىڭ دەپۋتاتتارىن سايلاۋ تاعايىندالدى. ق ر پارلامەنتى سەناتىنا 2 دەپۋتات سايلاناتىن بولادى.
