ءبىر اپتادا الەم بويىنشا كوروناۆيرۋستان 11 مىڭ ادام قايتىس بولدى – ب ۇ ۇ

نۇر-سۇلتان. قازاقپارات - ءبىر اپتادا بۇكىل الەم بويىنشا كوروناۆيرۋستان 11 مىڭ ادام قايتىس بولدى، دەپ حابارلايدى قازاقپارات COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ Telegram كانالىنا سىلتەمە جاساپ.

ونداعى مالىمەتتەرگە قاراعاندا، دۇنيەجۇزىلىك دەنساۋلىق ساقتاۋ ۇيىمىنىڭ (د د ۇ) اپتا سايىنعى ەپيدەميولوگيالىق بيۋللەتەنىندە كوروناۆيرۋستى جۇقتىرۋ كورسەتكىشى وتكەن اپتادا وزگەرىسسىز قالعانى، ءولىم %1 تومەندەگەنى ايتىلعان.

11-17-شىلدە ارالىعىندا ەۋروپا مەن افريكادا كوروناۆيرۋستى جۇقتىرۋ سايكەسىنشە %16 جانە %27 كە تومەندەدى. شىعىس جەرورتا تەڭىزىندە جاڭا جاعدايلاردىڭ سانى وزگەرگەن جوق، قالعان وڭىرلەردە جۇقتىرۋ كوبەيدى، ەڭ كوپ جۇقتىرۋ تىنىق مۇحيتىنىڭ باتىس بولىگىنە (%37) تيەسىلى. ءبىر اپتا ىشىندە بۇكىل الەمدە 6,2 ميلليوننان استام COVID-19-دى جۇقتىرۋدىڭ جاڭا جاعدايى انىقتالدى. كوروناۆيرۋستان قايتىس بولعاندار سانى امەريكا ايماعىندا (%7)، شىعىس جەرورتا تەڭىزىندە (%15) جانە وڭتۇستىك- شىعىس ازيادا (%20) ءوستى. بۇل رەتتە ءولىم-ءجىتىم تىنىق مۇحيتىنىڭ باتىس بولىگىندە (%3 كە)، ەۋروپادا (%14 كە) جانە افريكادا (%39 كە) تومەندەدى.