قىسقى پاراليمپيادا: 11-ناۋرىزدا ءۇش قازاقستاندىق سپورتشى سايىسقا تۇسەدى
بۇل كۇنى ەل قۇراماسىنان سەرگەي ۋسولتسيەۆ، ەربول حاميتوۆ پەن الەكساندر گەرليتس جارىس جولىنا شىعادى. قازاقستاندىق سپورتشىلاردىڭ ويىن كەستەسى تومەندەگىشە: 08:00. پارابياتلون. 12,5 شاقىرىم. وتىرىپ سىرعاناۋ. سەرگەي ۋسولتسيەۆ پەن ەربول حاميتوۆ 10:00. تۇرىپ سىرعاناۋ. 12,5 شاقىرىم. الەكساندر گەرليتس.
تىكەلەي كورسەتىلىم سول ۋاقىتتاردا «Qazsport» تەلەارناسىنان جۇرگىزىلەدى.
ەسكە سالساق، ايتۋلى الاماندا ەلىمىزدىڭ اتىنان ەربول حاميتوۆ، الەكساندر گەرليتس، دەنيس پەترەنكو، يۋري بەرەزين جانە سەرگەي ۋسولتسيەۆ پارا شاڭعى جانە پارا بياتلون سپورت تۇرلەرىنەن ەل نامىسىن قورعايدى. ولاردىڭ اراسىنان پارا بياتلوننان تۇرەگەپ سىرعاناۋدا الەكساندر گەرليتس قولا جۇلدەگەر اتاندى. قىسقى پاراليمپيادا ويىندارىندا قازىرگە دەيىن ەل قورجىنىنا 1 التىن، 1 كۇمىس مەدال ءتۇستى. 1994 -جىلى 10 شاقىرىمعا كلاسسيكالىق مانەردەگى شاڭعى جارىسىندا قازاقستاندىق ليۋبوۆ ۆوروبيەۆا كۇمىس السا، 2018 -جىلى شاڭعىمەن جارىستا الەكساندر كوليادين 1,5 شاقىرىمعا كلاسسيكالىق مانەردە سپرينت جارىسىندا چەمپيون اتاندى. قىسقى پاراليمپيادا ويىندارى 13-ناۋرىزعا دەيىن جالعاسادى.