ا ق ش 11-قىركۇيەكتەگى تەراكت قۇپياسىن اشپاق
بۇل تۋرالى اق ءۇي سايتىندا جاريالانعان، - دەپ حابارلايدى Gazeta.ru.
امەريكا كوشباسشىسى جاريالاعان مالىمدەمەدە، بۇل ارەكەتى ارقىلى وبامانىڭ اكىمشىلىگى كەزىندە جاريالانعان نۇسقاۋلاردى ساقتاي وتىرىپ، «بارىنشا اشىقتىقتى» قامتاماسىز ەتۋ تۋرالى سايلاۋ ناۋقانى كەزىندە بەرگەن ۋادەسىن ورىنداپ جاتقانى ايتىلعان. سونىمەن قاتار، ا ق ش پرەزيدەنتى تەراكت كەزىندە زارداپ شەككەن جانە قازا بولعان وتباسىلار ءۇشىن بۇل قادامنىڭ ماڭىزدى ەكەنىن ايتتى.
«مەن جاقىن ادام كەنەتتەن قايتىس بولعاندا قانداي قايعى-قاسىرەت كەلەتىنىن جاقسى بىلەمىن. بۇل وتباسىلار 20 جىل بويى جاۋاپكەرشىلىك پەن ادىلدىك ىزدەپ، قانداي اۋىرتپالىقتى باستان وتكەرگەنىن ەلەستەتە الامىن»، - دەيدى بايدەن.
بۇعان دەيىن 1800 گە جۋىق امەريكالىق، سونىڭ ىشىندە قازا تاپقانداردىڭ تۋىستارى، توتەنشە جاعدايلار قىزمەتكەرلەرى مەن 11-قىركۇيەكتەگى لاڭكەستىك وقيعادان امان قالعاندار، ا ق ش پرەزيدەنتى دجو بايدەندى نيۋ-يورك پەن پەنتاگونداعى مەرەيتويلىق ءىس-شارالارعا قاتىسپاۋعا شاقىردى. ولار ۇكىمەت قۇجاتتاردىڭ ءمان-جايىن اشقانىن تالاپ ەتتى. ۇندەۋ اۆتورلارى سايلاۋالدى ناۋقان كەزىندە بايدەن قايعىلى وقيعا تۋرالى مۇمكىندىگىنشە كوپ اقپارات جاريالاۋعا ۋادە بەرگەنىن، ءبىراق ازىرگە ول تۋرالى ايتپاعانىن كورسەتتى.