تۇركىستاننان قازاقستاننىڭ 11 قالاسىنا اۋە رەيستەرى اشىلماق

بۇل تۋرالى قازاقپارات ازاماتتىق اۆياتسيا كوميتەتىنە سىلتەمە جاساپ حابارلايدى.

«قازاقستان رەسپۋبليكاسىندا ىشكى تۋريزمدى دامىتۋ، سونداي-اق ۇشۋ گەوگرافياسىن كەڭەيتۋ جانە تۇركىستان قالاسى اۋەجايىنىڭ كولىكتىك قولجەتىمدىلىگىن قامتاماسىز ەتۋ ماقساتىندا اقتاۋ، اتىراۋ، اقتوبە، ورال، قوستاناي، قاراعاندى، كوكشەتاۋ، پەتروپاۆل، پاۆلودار، سەمەي، تالدىقورعان قالالارىنا سۋبسيديالاناتىن اۋە باعىتتارعا كونكۋرس وتكىزىلدى. كونكۋرس قورىتىندىسى بويىنشا تۇراقتى رەيستەردى «SCAT» جانە «Qazaq Air» اۋە كومپانيالارى «CRJ2»، «B-737»، «Q400» اۋە كەمەلەرىمەن ورىندايتىن بولادى»، - دەلىنگەن حابارلامادا.

العاشقى رەيستەردىڭ باستالۋى اعىمداعى جىلدىڭ 15- شىلدەسىنە جوسپارلانعان، وسى باعىتتار بويىنشا بيلەتتەردىڭ قۇنى 16-25 مىڭ تەڭگەنى قۇرايدى.