16:46, 22 - مامىر 2021 | GMT +5
رەسەيدىڭ ۋلانىپ كوز جۇمعان جۇمىسشىلار سانى 11 ادامعا جەتتى
روستوۆ- نا- دونۋ. تاسس - قازاقپارات - رەسەيدىڭ تاگانروگ قالاسى ماڭىندا تازارتۋ قۇرىلعىلارىندا جۇمىس جۇرگىزۋ بارىسىندا بولعان توتەنشە جاعداي كەزىندە زارداپ شەككەن تاعى ءبىر ادام اۋرۋحانادا كوز جۇمدى.
بۇل تۋرالى قالا اكىمشىلىگىنىڭ باسشىسى اندرەي ليسيتسكيي ءمالىم ەتتى. توتەنشە جاعداي سالدارىنان قازا تاپقانداردىڭ جالپى سانى 11 ادامعا جەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.
تاعى بەس ادام تاگانروگ اۋرۋحاناسىنا جەتكىزىلدى. «تاعى ءبىر ادام اۋرۋحانادا كوز جۇمدى»، - دەدى اندرەي ليسيتسكي. قالا اكىمشىلىگىنىڭ مالىمەتتەرىنشە، ءتورت ادام رەانيماتسيادا جاتىر.
اكىمشىلىك وكىلى ناۋقاستاردىڭ ومىرىنە قاۋىپ ءتونىپ تۇرعانىن ايتتى. روستوۆ وبلىسى نەكلينوۆسكي اۋدانى دميتريادوۆكا اۋىلىندا تازارتۋ قۇرىلعىلارىندا جۇمىس جۇرگىزۋ بارىسىندا جەتى جۇمىسكەر قايتىس بولعانى بۇعان دەيىن حابارلانعان بولاتىن.
