ەر ادام وتباسىنا كوروناۆيرۋس جۇقتىرماس ءۇشىن 11 كۇن بويى اعاشتىڭ باسىندا تۇنەگەن
ءۇندىستاننىڭ تەلانگانا شتاتىندا تۇراتىن راماۆات شيۆا نايك ەسىمدى ستۋدەنت كوروناۆيرۋس جۇقتىردى، ءبىراق جۇقتىرعان ادامداردىڭ كوپ تۇسۋىنە بايلانىستى ول اۋرۋحانادان ورىن تابا المادى. ونىڭ وتباسى كىشكەنتاي ءبىر بولمەلى ۇيدە تۇرادى. سوندىقتان ول اعاش باسىنا شىعىپ، ءوزىن وقشاۋلادى. بۇل جالعىز عانا قاۋىپسىز ورىن بولعان. ستۋدەنت بامبۋكتان كىشىگىرىم پلاتفورما جاساپ، اعاش باسىنا ورنالاستىرعان. ۇستىنە كورپە توسەپ، سوندا تۇنەدى. اتا- اناسى ۇلىنا ارقانداعى شەلەكتىڭ كومەگىمەن تاماق پەن سۋ بەردى. جاس جىگىت دارەتحاناعا تۇنگى ۋاقىتتا شىققانىن ايتادى. شيۆا تالدىڭ باسىندا ۋاقىتىنىڭ كوپ بولىگىن تەلەفونمەن وتكىزدى.
بۇل وقيعا بۇقارالىق اقپارات قۇرالدارىندا جاريا ەتىلگەندە، جەرگىلىكتى بيلىك جىگىتكە اۋىلىنىڭ جانىنداعى جاتاقحانادان ورىن بەردى. ول كارانتيننىڭ بىرنەشە كۇنىن ىڭعايلى جاعدايدا وتكىزەدى.
قيىن جاعدايدان شىعۋدىڭ جولىن ىزدەگەن بۇل اۋىلدا شيۆا عانا ەمەس. جەرگىلىكتى تۇرعىنداردىڭ ايتۋىنشا، ءوزىن وقشاۋلاۋ قاجەت باسقا ادامدار ۆاننا بولمەلەرىندە ۋاقىتىن وتكىزگەن نەمەسە دالادا قالىپ، ۋاقىتشا باسپانا سالعان.
ەسكە سالايىق، ءۇندىستاندا سوڭعى اپتالاردا تاۋلىگىنە ءجۇز مىڭداعان ادام كوروناۆيرۋس جۇقتىرعان. ەل ينفەكسيا تارالۋىنىڭ باستى وشاعىنا اينالدى. حالىقارالىق كومەككە قاراماستان، اۋرۋحانالاردا توسەك- ورىن جانە وتتەگى جەتىسپەيدى، ال مايىتتەر كوشەدە ورتەنىپ، وزەندەرگە توگىلىپ جاتىر.
Stan.kz
