نۇر-سۇلتان مەن 11 وبلىستا اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - قازاقستاننىڭ وڭىرلەرىندە اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك- نىڭ مالىمەتتەرىنە سىلتەمە جاساپ.

كاسىپورىننىڭ بولجامىنا قاراعاندا، 29- ناۋرىز كۇنى ەلوردادا كوكتايعاق بولىپ، تۇمان تۇسەدى، جاياۋ بۇرقاسىن سوعادى. سولتۇستىك-باتىستان، باتىستان جەل سوعىپ، ەكپىنى سەكۋندىنا 15-20 مەترگە جەتەدى.

اقمولا وبلىسىنىڭ كەي جەرلەرىندە جاياۋ بۇرقاسىن، كوكتايعاق بولىپ، تۇمان تۇسەدى. سولتۇستىك-باتىستان، باتىستان جەل سوعىپ، تۇندە كەي جەرلەردە كۇشى 15-20 م/س، كۇندىز باسىم بولىگىندە 15-20، ەكپىنى 23 م/س بولادى.

كوكشەتاۋدا 29- ناۋرىزدا جاياۋ بۇرقاسىن سوعىپ، جولداردا كوكتايعاق بولادى. سولتۇستىك- باتىستان جەل سوعىپ، جىلدامدىعى سەكۋندىنا 15-20 مەتگە جەتەدى.

جامبىل وبلىسىنىڭ كەي جەرلەرىندە نوسەر جاۋىن مەن قار جاۋادى. تارازدا تۇندە جانە تاڭەرتەڭ نوسەر جاۋىن جانە قار جاۋادى.

قىزىلوردا وبلىسىنىڭ كەي جەرلەرىندە تۇمان تۇسەدى. قىزىلوردا قالاسىندا كەي ۋاقىتتا تۇمان ءتۇسۋى مۇمكىن.

29-30- ناۋرىز كۇندەرى قاراعاندى وبلىسىندا كەي جەرلەرىندە كوكتايعاق بولىپ، جاياۋ بۇرقاسىن سوعادى، تۇمان تۇسەدى. باتىستان، سولتۇستىك- باتىستان جەل سوعىپ، كۇشى كەي جەرلەردە سەكۋندىنا 15-20 مەترگە جەتەدى.

قاراعاندىدا 29- ناۋرىزدا تۇندە كوكتايعاق بولىپ، جاياۋ بۇرقاسىن سوعادى. 29- ناۋرىزدا پاۆلودار ءوبلىسىنىى كەي جەرلەرىندە تۇمان ءتۇسىپ، كوكتايعاق بولادى. سولتۇستىك-باتىستان جەل سوعىپ، كۇشى سەكۋندىنا 15-20 مەتر بولادى، كۇندىز ەكپىنى 25 مەترگە جەتەدى.

پاۆلودار قالاسىندا تۇمان ءتۇسىپ، كوكتايعاق بولادى. سولتۇستىك-باتىستان جەل سوعىپ، كۇشى سەكۋندىنا 15-20 مەترگە، كۇندىز ەكپىنى 25 مەترگە جەتەدى.

اقتوبە وبلىسىنىڭ كەي جەرلەرىندە كوكتايعاق، تۇمان بولادى. قوستاناي وبلىسىندا كەي جەرلەردە تۇمان ءتۇسىپ، كوكتايعاق، جاياۋ بۇرقاسىن بولادى. سولتۇستىك-باتىستان جەل سوعادى، كۇشى كەي جەرلەردە سەكۋندىنا 15-20 مەترگە جەتەدى.

29- ناۋرىزدا باتىس قازاقستان وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى.

ورالدا 29- ناۋرىز كۇنى تۇندە جانە تاڭەرتەڭ تۇمان تۇسەدى. 29 ناۋرىزدا تۇندە تۇركىستان وبلىسىنىڭ كەي جەرلەرىندە نوسەر جاۋىن جاۋادى. كەي جەرلەردە نايزاعاي ويناپ، تۇمان ءتۇسىپ، سولتۇستىك-باتىستان سوعاتىن جەلدىڭ كۇشى 15-20 م/س- كە جەتەدى.

شىمكەنتتە 29- ناۋرىزدا تۇندە نوسەر جاڭبىر جاۋادى. كەي ۋاقىتتا نايزاعاي وينايدى. سولتۇستىك- باتىستان جەل سوعادى، تۇندە ەكپىنى 15-20 م/س بولادى.

تۇركىستاندا تۇندە جانە تاڭەرتەڭ نايزاعاي وينايدى. 29- ناۋرىزدا سولتۇستىك قازاقستان وبلىسىنىڭ باسىم بولىگىندە تۇندە قار، كۇندىز جاۋىن-شاشىن (جاڭبىر، قار) جاۋادى. كەي جەرلەرىندە تۇمان ءتۇسىپ، جاياۋ بۇرقاسىن، كوكتايعاق بولادى.

سولتۇستىك-باتىستان جەل سوعادى، تۇندە جىلدامدىعى كەي جەرلەردە 15-20 م/س، كۇندىز 15-20، ەكپىنى 23-28 م/س بولادى.

پەتروپاۆلدا تۇمان ءتۇسىپ، جاياۋ بۇرقاسىن، كوكتايعاق بولادى. سولتۇستىك-باتىستان جەل سوعىپ، تۇندە ەكپىنى 15-20 م/س، كۇندىز 15-20، ەكپىنى 25 م/س.

29- ناۋرىزدا ماڭعىستاۋ وبلىسىنىڭ كەي جەرلەرىندە تۇمان كۇتىلەدى.