قازاقپارات كۇنتىزبەسى: 11- ناۋرىز
اتاۋلى كۇندەر
دۇنيەجۇزىلىك مۇسىلمان مادەنيەتى، بەيبىتشىلىك، ديالوگ جانە كينوسى كۇنى
جىل سايىن اتاپ وتىلەدى. 2010-جىلى كاليفورنيانىڭ جازۋشىسى جانە پروديۋسەرى دجاۆەدو موحاممەد باستاماشىلىعىمەن بەكىتىلگەن. مۇسىلمان مادەنيەتى كۇنىنىڭ مىندەتى - يسلام حالىقتارى مادەنيەتى، ولاردىڭ بىرەگەيلىگى مەن كوپ ماعىنالىلىعى تۋرالى اقپاراتتى تاراتۋ، سونداي-اق باسقا ءدىن وكىلدەرىمەن ديالوگ جانە ءوزارا تۇسىنىستىك ءۇشىن مادەنيەت اراسىندا كوپىر قۇرۋعا ارنالعان ونەردىڭ ءتۇرلى نىساندارىن پايدالانۋ.
تەرروريزم قۇرباندارىن جالپى ەۋروپالىق ەسكە الۋ كۇنى
ەۋروپارلامەنت 11- ناۋرىزدى 2004-جىلى 11- ناۋرىزدا جاسالعان مادريدتەگى لاڭكەستىك سالدارىنان قازا تاپقان 200 ادامدى، 2005-جىلى لوندوندا بومبا جارىلىپ، سونىڭ قۇربانىنا اينالعان 50 دەن استام ادامدى ەسكە الۋ كۇنى ەتىپ تاڭداعان.
دۇنيەجۇزىلىك بۇيرەك كۇنى
جىل سايىن ناۋرىزدىڭ ەكىنشى بەيسەنبىسىندە اتاپ وتىلەدى. بۇل كۇندى اتاپ ءوتۋ، ۇيىمداستىرۋ جانە جىل سايىن وتكىزۋ حالىقارالىق نەفرولوگتار قوعامى مەن حالىقارالىق بۇيرەك قورلارى فەدەراتسياسىنىڭ بىرلەسكەن كۇش-جىگەرىنىڭ ناتيجەسى بولدى.
كۇندى اتاپ وتۋدەگى ماقساتى - بۇيرەكتىڭ ماڭىزدىلىعىنا جانە بۇكىل الەمدەگى بۇيرەك اۋرۋلارى مەن دەنساۋلىققا بايلانىستى پروبلەمالاردىڭ جيىلىگى مەن سالدارىن ازايتۋعا باعىتتالعان دەنساۋلىق تۋرالى حاباردارلىقتى ارتتىرۋ.
ەستە قالار وقيعالار
1937-جىلى ك س ر و قىزىل جارتى اي جانە قىزىل كرەست قوعامدىق وداعىنىڭ قۇرامىنداعى رەسپۋبليكالىق ۇيىم رەتىندە قازاق ك س ر قىزىل كرەست قوعامى قۇرىلدى.
2002 -جىلدىڭ ناۋرىزىندا قازاقستان رەسپۋبليكاسىنىڭ قىزىل جارتى اي قوعامى بولىپ اتاۋى وزگەرتىلدى.
1996 -جىلى قازاقستان رەسپۋبليكاسى پرەزيدەنتى ن. نازاربايەۆتىڭ «قازاقستان رەسپۋبليكاسىندا عىلىمدى مەملەكەتتىك باسقارۋ جۇيەسىن جەتىلدىرۋ جونىندەگى شارالار تۋرالى» جارلىعى شىقتى. جارلىققا سايكەس، ۇلتتىق عىلىم اكادەمياسى، قازاق اۋىلشارۋاشىلىعى عىلىمدارىنىڭ اكادەمياسى جانە عىلىم جانە جاڭا تەحنولوگيالار مينيسترلىگى - عىلىم مينيسترلىگى - قازاقستاننىڭ عىلىم اكادەمياسى ورتالىق اتقارۋشى ورگاننىڭ قۇرامىندا بىرىكتىرىلدى.
2003 -جىلدىڭ قازانىنان باستاپ اكادەميا پرەزيدەنتى مۇرات جۇرىن ۇلى جۇرىنوۆ.
2007 -جىلى قازاقستان پرەزيدەنتى نۇرسۇلتان نازاربايەۆقا كاتار مەملەكەتىنىڭ «تاۋەلسىزدىك» وردەنى تابىس ەتىلدى. بۇل شەتەلدىك مەملەكەتتەر باسشىلارىنا بەرىلەتىن ەڭ جوعارى ناگرادا.
2011 -جىلى ورتالىقازيالىق-قازاقستاندىق ۇساق شوقىلاردىڭ بىرەگەي ەكولوگيالىق جۇيەسىن ساقتاۋ ماقساتىندا «بۇيراتاۋ» مەملەكەتتىك ۇلتتىق تابيعي ساياباعى قۇرىلدى. ساياباق اقمولا وبلىسىنىڭ ەرەيمەنتاۋ اۋدانىنىڭ اۋماعىندا 60814 گەكتار جانە قاراعاندى وبلىسىنىڭ وساكاروۆ اۋدانىندا 28154 گەكتار جەردى الىپ جاتىر.
2014 -جىلى عارىش وربيتاسىنان ورالعان ۇشقىشتار ولەگ كوتوۆ، سەرگەي ريازانسكي جانە امەريكالىق مايكل حوپكينس قاراعاندى قالاسىنىڭ 80 جىلدىعىنا وراي قالا ەلتاڭباسىنا قول قويدى. بۇل ەلتاڭبا وبلىستىق ولكەتانۋ مۋزەيىندە ساقتالادى.
2014 -جىلى نيۋ-يوركتە قازاقستان رەسپۋبليكاسى مەن سەيشەل ارالدارىنىڭ بىرىككەن ۇلتتار ۇيىمى جانىنداعى تۇراقتى وكىلدەرى قايرات ءابدىراحمانوۆ پەن ماري-لۋيزا پوتتەر ەكى مەملەكەت اراسىندا ديپلوماتيالىق قاتىناستار ورناتۋ تۋرالى بىرلەسكەن كومميۋنيكەگە قول قويدى. سەيشەل ارالدارى رەسپۋبليكاسى - ءۇندى مۇحيتىنىڭ باتىس بولىگىندەگى گرانيت تەكتەس 115 ارالدان جانە مارجان اتوللدارىنان تۇراتىن ارالدىق مەملەكەت.
الىپ جاتقان جەر اۋماعى 455 ك م2 شاماسىندا. استاناسى - ۆيكتوريا قالاسى. رەسمي تىلدەرى - كرەول (سەشەلۆا)، اعىلشىن، فرانسۋز تىلدەرى. اقشا بىرلىگى - سەيشەل رۋپياسى. مەملەكەت جانە ۇكىمەت باسشىسى - حالىق 5 جىلعا سايلايتىن پرەزيدەنت (قاتارىنان تاعى 2 مەرزىمگە قايتا سايلاۋ قۇقىعىمەن).
پرەزيدەنت سونىمەن قاتار قارۋلى كۇشتەردىڭ باس قولباسشىسى قىزمەتىن اتقارادى.
2014 -جىلى بەرليندە قازاقستاندىق ستەند الەمدەگى ەڭ ءىرى حالىقارالىق تۋريستىك كورمەدە (Internationale Tourismus-Bِrse Berlin 2014) ۇزدىك ۇشتىككە ەندى. قازاقستان رەسپۋبليكاسى «ازيا، تىنىق مۇحيت ايماعى جانە اۆستراليا» ساناتىندا ITB- تە ءۇشىنشى ورىندى جەڭىپ الدى.
ءبىرىنشى ورىندى وڭتۇستىك كورەيا قانجىعاسىنا بايلادى، ەكىنشى ورىندا - مالايزيا.
2015 -جىلى يسپانيانىڭ فيگەراس قالاسىندا وتكەن IV حالىقارالىق سيرك ونەرى فەستيۆالىندە قازاق مەملەكەتتىك تسيركىنىڭ اۋە گيمناستارى اندرەي مەن ءاليا كاناحيندەر «كۇمىس ءپىل» اتاعىن جەڭىپ الدى. ارتىستەر قازاق مەملەكەتتىك تسيركىنىڭ ديرەكتورى داۋلەت دوسباتىروۆ قويعان گيمناستيكا جانرىنداعى «سەن جانە مەن» نومەرىمەن ونەر كورسەتتى.
2016 -جىلى تۇركيا رەسپۋبليكاسىندا قازاقستان رەسپۋبليكاسى تاۋەلسىزدىگىنىڭ 25 جىلدىعى اياسىندا ق ر- نىڭ تۇركياداعى ەلشىلىگىنىڭ، حالىقارالىق تۇركى مادەنيەتى ۇيىمىنىڭ (تۇركسوي) جانە انكارا قالاسى ەتيمەسگۋت اۋدانى اكىمشىلىگىنىڭ جانىنان 200-جىلدىق مەرەيتويىنا وراي تاتتىمبەت اتىنداعى ساياباق اشىلدى.
2016 -جىلى قاپشاعاي قالاسىندا قۋاتى 2 مۆت كۇن ەلەكتر ستانتسياسىندا EnergyCell يننوۆاتسيالىق ەنەرگيا جيناقتاۋشى جۇيەسى ىسكە قوسىلدى. يننوۆاتسيالىق تەحنولوگيا العاش رەت ت م د جانە ورتالىق ازيا اۋماعىندا قولدانىلدى.
2018 -جىلى حەلسينكي قالاسىندا بوكستان GeeBee 37-حالىقارالىق تۋرنيرىندە قازاقستاندىق سپورتشىلار بەس التىن جانە ءبىر كۇمىس مەدالعا يە بولدى. قايرات ەراليەۆ، ابىلايحان ءجۇسىپوۆ، ۆاسيلي لەۆيت، قامشىبەك قوڭقابايەۆ، بەك نۇرماعانبەت - «التىن»، ولجاس باينيازوۆ - «كۇمىس» يەلەندى. وسىلايشا، قازاقستاندىقتار تۋرنيردە جالپى كوماندالىق ءبىرىنشى ورىندى يەلەندى.
2018 -جىلى جاس ءانشى دانەليا تولەشوۆا «بولاشاققا كوزقاراس» نوميناتسياسى بويىنشا ءبىرىنشى حالىقارالىق «BraVo» كاسىبي مۋزىكا سىيلىعىنىڭ يەگەرى اتاندى. دانەليا سىيلىعىن فرانسۋز ءانشىسى Zaz قولىنان الدى. ەكەۋى بىرلەسىپ «Je veux» ءحيتىن ورىندادى.
2019 -جىلى ءال-فارابي اتىنداعى قازاق ۇلتتىق ۋنيۆەرسيتەتى «سيفرلىق قازاقستان» مەملەكەتتىك باعدارلاماسىن جۇزەگە اسىرۋ ماقساتىندا «Smart City» مامانداردى دايارلاۋدىڭ قوس ديپلومدى يننوۆاتسيالىق باعدارلاماسىن اشتى.
جەتەكشى قازاقستاندىق ۋنيۆەرسيتەت «Smart City» جوعارى وقۋ ورىندارىنىڭ حالىقارالىق كونسورتسيۋمىنىڭ مۇشەسى بولا وتىرىپ، ەۋروپالىق وداقتىڭ جوعارى وقۋ ورىندارىمەن بىرلەسە «ەRASMUS+» جوباسى بويىنشا «اقىلدى قالاعا ارنالعان اقپاراتتىق تەحنولوگيالار» ماماندىعى بويىنشا ماگيسترلىك باعدارلامانى ازىرلەۋگە كىرىستى.