11 جىلعا سوتتالعان قىرعىز پرەزيدەنتىنىڭ مىندەتىن اتقارۋشى سادىر جاپاروۆ اقتالدى

سادىر جاپاروۆپەن بىرگە قامچىبەك تاشيەۆ جانە تالانت مامىتوۆتىڭ ءىستى قايتا اشىلعان ءمان- جايلار بويىنشا قايتا قاراستىرۋ تۋرالى ءوتىنىشى قاناعاتتاندىرىلدى.

قىرعىزستان رەسپۋبليكاسى جوعارعى سوتىنىڭ باسپا ءسوز قىزمەتىنەن حابارلاعانداي، ق ر جوعارعى سوتىنىڭ 2013 -جىلعى 6-تامىزداعى قاۋلىسى مەن جەكەمەنشىك ۇيعارىمى جويىلدى، ال قىلمىستىق ءىس كاسساتسيالىق تارتىپتە قاراۋعا جىبەرىلدى.

ەسكە سالا كەتسەك، سادىر جاپاروۆ 2013 -جىلى ىستىق كول وبلىسىنىڭ گۋبەرناتورىن تۇتقىنعا الۋ ءىسى بويىنشا 11,5 جىلعا باس بوستاندىعىنان ايىرۋ جازاسىنا كەسىلگەن. قامچىبەك تاشيەۆ پەن تالانت مامىتوۆ 1 جىل 6 اي باس بوستاندىعىنان ايىرۋ جازاسىنا كەسىلدى.

الايدا بىشكەك قالالىق سوتى دەپۋتاتتاردى اقتاپ شىعاردى.

ەسكە سالساق، 15-قازاندا قىرعىستان پرەمەر- ءمينيسترى سادىر جاپاروۆ ءوزىن پرەزيدەنت مىندەتىن اتقارۋشى رەتىندە جاريالادى. سونىمەن قاتار، سادىر جاپاروۆ قىرعىز پرەزيدەنتى سايلاۋىنا ءتۇسۋىنىڭ ەرەجەسىن ايتتى.

اۆتور: زارينا تۋعانبايەۆا