فۋتبول: قازاقستان مەن چەرنوگوريا قۇرامالارىنىڭ كەزدەسۋى 11- قاراشاعا بەلگىلەندى
قازاقستان فۋتبول فەدەراتسياسى جانە چەرنوگوريا فۋتبول وداعىنىڭ باس حاتشىلارى باس حاتشىسى ازامات ايتقوجين مەن مومير دجۋردجيەۆاتس ويىندى وتكىزۋ تۋرالى كەلىسىمگە قول قويدى.
اتالعان ماتچ 11- قاراشاعا بەلگىلەنگەن. كەزدەسۋ چەرنوگوريا استاناسى - پودگوريتسە قالاسىندا وتكىزىلەدى.
ەستەرىڭىزگە سالا كەتەلىك، قازاقستان قۇراماسى قىركۇيەك-قاراشا ايلارىندا ۇلتتار ليگاسى ويىندارىنا قاتىسىپ، C ليگاسىنىڭ ءتورتىنشى توبىندا البانيا، بەلارۋس جانە ليتۆامەن شەبەرلىك بايقاسادى.
ال چەرنوگوريا اتالعان ليگانىڭ ءبىرىنشى توبىندا كيپر، ليۋكسەمبۋرگ جانە ازەربايجانمەن وينايدى.
بۇعان دەيىن ەكى قۇراما ءۇش مارتە كەزدەستى. بارلىعىندا چەرنوگوريا جەڭىسكە جەتتى. چەرنوگوريا قۇراماسى 2007-جىلدان بەرى الەمدىك فۋتبولداعى ءتۇرلى جارىستارعا قاتىسىپ كەلەدى.
ازىرگە الەم جانە ەۋروپا چەمپيوناتتارى فينالدىق كەزەڭىنە شىعا العان جوق. FIFA جاريالاعان سوڭعى رەيتينگتە ولار 64-ورىندا تۇرسا، قازاقستان قۇراماسى 118-ورىندا.
