قىرعىزستاننىڭ ەكس-پرەزيدەنتى المازبەك اتامبايەۆ 11 جىلعا سوتتالدى

بىشكەك. كابار - قازاقپارات - بىشكەك قالاسىنداعى پەرۆوماي اۋداندىق سوتىندا قىرعىز رەسپۋبليكاسىنىڭ بۇرىنعى پرەزيدەنتى المازبەك اتامبايەۆتىڭ جەمقورلىق ىستەرىنە قاتىستى سوت وتىرىسى ءوتتى، دەپ حابارلايدى قازاقپارات كابار اگەنتتىگىنە سىلتەمە جاساپ.

بۇگىن قىلمىستىق ىسكە قاتىستى سوڭعى سوت وتىرىسى بولدى. پەرۆوماي اۋداندىق سوتىنىڭ شەشىمىمەن ق ر بۇرىنعى پرەزيدەنتى المازبەك اتامبايەۆ ق ر قىلمىستىق كودەكسى 43-باپ 2-تارماعى جانە 312-باپ 2-تارماعى بويىنشا ايىپتى دەپ تانىلىپ، 11 جىل 2 ايعا باس بوستاندىعىنان ايىرىلدى.

ونىڭ بارلىق مەملەكەتتىك ماراپاتتارى مەن دۇنيە-مۇلكى تاركىلەندى. سوت وتىرىسىنا اتامبايەۆتىڭ ءوزى قاتىسقان جوق.

ەسكە سالا كەتسەك، بۇعان دەيىن ق ر پارلامەنتى المازبەك اتامبايەۆتى ەكس-پرەزيدەنت دارەجەسىنەن ايىرىپ، قىلمىستىق ىستەرىن اشكەرەلەۋ ءۇشىن ارنايى كوميسسيا قۇرعان بولاتىن. كوميسسيا اتامبايەۆتىڭ بىرنەشە قىلمىسقا قاتىسى بار ەكەنىن انىقتادى.

اتاپ ايتقاندا، بىشكەك ج ە و جاڭعىرتۋ كەزىندەگى سىبايلاس جەمقورلىققا، ۇيىمداسقان قىلمىستىق توپتىڭ باسشىسى بولعان ءازيز باتۇقايەۆتى زاڭسىز بوساتۋعا، استانالىق ج ە و-نا كومىر ساتىپ الۋ كەزىندەگى سىبايلاس جەمقورلىققا، قوي-تاش اۋىلىنان جەر تەلىمدەرىن زاڭسىز ساتىپ الۋعا جانە اقشا جىمقىرۋعا قاتىسى بار بەلگىلى بولعان.

.