قوسشىدا 11 جاستاعى ۇل بالادان كوروناۆيرۋس تابىلدى
7-ماۋسىمداعى مالىمەت بويىنشا، اقمولا وبلىسىندا كوروناۆيرۋس ينفەكسياسىنىڭ بەلگىسىمەن 1 ادام تىركەلگەن.
«ول نۇر-سۇلتان قالاسىنداعى ىندەت وشاعىنداعى ناۋقاستىڭ جاقىن تۋىسىمەن قارىم-قاتىناستا بولعان. پروۆيزورلىق ستاتسيونارعا وقشاۋلانعاننان كەيىن جەتىنشى كۇنى الىنعان باقىلاۋ تەستى بۇل ناۋقاستىڭ كوروناۆيرۋستى جۇقتىرعانىن كورسەتتى. سەلينوگراد اۋدانىنىڭ قوسشى اۋىلىندا تۇراتىن، 2009 -جىلى تۋعان ۇل بالا بەكىتىلگەن كلينيكالىق حاتتاماعا سايكەس ەمدەلۋ ءۇشىن كوكشەتاۋ قالاسىنىڭ اقمولا وبلىستىق تۋبەركۋلەزگە قارسى ديسپانسەرىنە جاتقىزىلادى»، دەلىنگەن حابارلامادا.
ىندەت وشاعى بولعان نۇر-سۇلتان قالاسىنداعى جانە قوسشى اۋىلىنداعى ۇيدە ينفەكسياعا قارسى شارالار جاسالدى. ناۋقاسپەن جاقىن بايلانىستا بولعان ادامداردى انىقتاۋ بويىنشا سانيتارلىق- ەپيدەميولوگيالىق تەكسەرۋ قولعا الىنعان. اقمولا وبلىسىندا كوروناۆيرۋس ينفەكسياسىمەن جالپى 176 ادام تىركەلگەن، ولاردىڭ ىشىندە 141 ى جازىلىپ شىققان.
