عالىمدار: ۆيرۋس 11 كۇننەن كەيىن ولەدى

نۇر- سۇلتان. قازاقپارات - كوروناۆيرۋسقا شالدىققان ناۋقاستاردىڭ بويىنداعى ۆيرۋس 11 كۇننەن كەيىن جۇقپالى بولۋىن دوعارادى، دەپ حابارلايدى «حابار 24».

سينگاپۋرلىق عالىمدار «كوۆيد-19-عا» شالدىققانداردى زەرتتەي كەلە وسىنداي قورىتىندىعا كەلىپ وتىر. مامانداردىڭ ايتۋىنشا، اۋرۋدان ايىعىپ كەلە جاتقان ناۋقاستاردىڭ سىناماسى ولاردا ءالى دە ۆيرۋستىڭ بار ەكەنىن كورسەتۋى مۇمكىن. ءبىراق 11 كۇننەن كەيىن ول قاۋىپسىز بولماق.

ال كوروناۆيرۋس تەستى ۆيرۋس گەنومىنىڭ ءبىر بولىگىن عانا تاپقانىمەن، ونىڭ ومىرشەڭدىگى مەن وزگە ادامعا جۇقپالىلىعىن انىقتاي المايدى دەيدى ماماندار. دەگەنمەن، سينگاپۋر دەنساۋلىق ساقتاۋ مينيسترلىگى بۇل تۇجىرىمدامانى ازىرگە نەگىزگە الىپ وتىرعان جوق. قازىر بۇل ەلدە ناۋقاستىڭ كوروناۆيرۋسقا تەستى 2 رەت تەرىس بولسا عانا اۋرۋحانادان شىعارىلادى.

www.24.kz