باتىس قازاقستاندا كوروناۆيرۋس جۇقتىرعان 11 ناۋقاستىڭ جەتەۋى - تۇركىستان وبلىسىنىڭ تۇرعىندارى

ب ق و اكىمدىگى ءمالىم ەتكەنىندەي، اتالعان تۇرعىندار رەسەيدە ۆاحتالىق ادىسپەن جۇمىس جاسايدى.

سامارا وبلىسىمەن شەكتەسەتىن «سىرىم» اۆتو وتكەلىنەن وتكەن كەزدە جەتى ازاماتتىڭ دەنساۋلىعىنا شاعىمى بولماعان.

الگوريتمگە سايكەس ەپيدەميولوگتار جەدەل جاردەم شاقىرىپ، كارانتيندىك ستاتسيونارعا جاتقىزىلدى.

سونىمەن قاتار كوروناۆيرۋس جۇقتىرعان 4 ادام - مەديتسينا قىزمەتكەرلەرى. زەرتتەۋ قورىتىندىسىمەن COVID-19 دياگنوزى راستالعاننان كەيىن بارلىعى دا وبلىستىق جۇقپالى اۋرۋلار اۋرۋحاناسىنا جاتقىزىلدى.

ناۋقاستارمەن قارىم-قاتىناستا بولعاندار انىقتالىپ، مەديتسينالىق باقىلاۋعا الىندى. اۋرۋ وشاقتارىندا دەزينفەكتسيالىق جۇمىستار جۇرگىزىلدى.

وسىلايشا ب ق و- دا اۋىرعاندار سانى 138 گە جەتىپ، سونىڭ 9 ى جازىلىپ شىقتى.

ەسكە سالا كەتەيىك، بۇدان بۇرىن ب ق و- دا كوروناۆيرۋس جۇقتىرعان ايەلدىڭ شەت ەلدەن كەلگەنىن جازعان بولاتىنبىز.