ۇكىمەت پەن ۇلتتىق بانك 11- مامىرعا دەيىن ەكونوميكالىق دامۋدىڭ كەشەندى جوسپارىن دايىندايدى
نۇر-سۇلتان. قازاقپارات - ءبىز ەندى مۇلدە جاڭا جاعدايدا ءومىر سۇرەتىن بولامىز.
بۇل تۋرالى ق ر پرەزيدەنتى قاسىم-جومارت توقايەۆتىڭ مالىمدەمەسىندە اتالىپ ءوتتى، دەپ حابارلايدى قازاقپارات.
«ءبىز قازىردەن باستاپ داعدارىستان كەيىنگى كەزەڭگە دايىندالۋىمىز كەرەك. بۇل جونىندە ەلباسى قاۋىپسىزدىك كەڭەسىنىڭ 24- ساۋىردە وتكەن وتىرىسىندا ناقتى ايتتى. ۇكىمەت پەن ۇلتتىق بانك 11- مامىرعا دەيىن ەكونوميكالىق دامۋدى قالپىنا كەلتىرۋ جونىندەگى كەشەندى جوسپاردى دايىندايدى. وندا داعدارىستان زارداپ شەككەن سالالارعا قولداۋ كورسەتۋ شارالارى قامتىلادى»، - دەدى پرەزيدەنت.
قاسىم-جومارت توقايەۆتىڭ پايىمىنشا، بۇگىندە ەلىمىز دامۋدىڭ جاڭا دەڭگەيىنە قادام باسىپ وتىر.
«شىن مانىندە، ءبىز ەندى مۇلدە جاڭا جاعدايدا ءومىر سۇرەتىن بولامىز. سوندىقتان ەكونوميكاعا جانە مەملەكەتتىك باسقارۋ جۇيەسىنە اۋقىمدى ءارى ماڭىزدى وزگەرىستەر قاجەت»، - دەدى مەملەكەت باسشىسى.
