شىمكەنتتە ەكى وتباسىنىڭ 11 مۇشەسى كوروناۆيرۋس جۇقتىردى

بۇل تۋرالى قالالىق توتەنشە جاعدايلار شتابىنان ءمالىم ەتتى، دەپ حابارلايدى قازاقپارات ءتىلشىسى.

18- ءساۋىر كۇنى (تاڭەرتەڭگى 09.30-داعى مالىمەت) شىمكەنت قالاسىندا ىندەت تاعى 11 ادامنان انىقتالعان بولاتىن.

«ناۋقاستار 1956، 2004، 1978، 1981، 1977، 1992، 1967، 1946، 1969، 1968، 1979 -جىلدارى تۋعان شىمكەنت قالاسىنىڭ تۇرعىندارى.

ولار كوروناۆيرۋس ينفەكتسياسىن جۇقتىرعان ادامدارمەن قارىم-قاتىناستا بولۋىنا بايلانىستى بۇعان دەيىن كارانتيندىك ستاتسيونارعا جاتقىزىلعان جانە زەرتحانالىق سىناما الىندى.

اۋرۋ جۇقتىرعان 11 ازامات ەكى وتباسىنىڭ مۇشەلەرى. پ ت ر دياگنوستيكالىق زەرتتەۋ قورىتىندىسىمەن COVID-19 دياگنوزى ناقتىلاندى. قازىرگى تاڭدا ناۋقاستاردىڭ جاعدايى قاناعاتتانارلىق.

بەكىتىلگەن حاتتاماعا سايكەس ءتيىستى ەم جۇرگىزىلۋدە. ناۋقاستارمەن قارىم-قاتىناستا بولعان ادامدار انىقتالىپ، بارلىعى مەديتسينالىق باقىلاۋعا الىنۋدا»، - دەلىنگەن حابارلامادا.

قالالىق شتابتىڭ مالىمەتىنشە، اۋرۋ وشاقتارىندا ەپيدزەرتتەۋ مەن دەزينفەكتسيالىق جۇمىستار جۇرگىزىلۋدە. وسى جاعدايعا بايلانىستى قالا اۋماعىنداعى تۇركىستان وبلىستىق پسيحيكالىق دەنساۋلىق ورتالىعى مەن «سامال 2» شاعىن اۋدانى، تاسساي تۇرعىن الابى قاۋىپتى وشاق رەتىندە تىركەۋگە الىندى.