الماتىدا كوروناۆيرۋس تاراعان 11 وشاق انىقتالدى – اكىمدىك
«قالانىڭ بارلىق اۋدانىندا 11 وشاق انىقتالدى. ولاردىڭ بارلىعى باقىلاۋعا الىنىپ جاتىر. سوندىقتان، حالىقتىڭ كوشىپ- قونۋىن، قوزعالىسىن توقتاتۋ ماڭىزدى. باسقاشا ۆيرۋسپەن كۇرەسۋ قيىن بولادى. ەرتەڭ وشاقتاردىڭ قاي جەردە ەكەنىن تولىق ايتامىز» ، - دەدى ەرجان باباقۇماروۆ.
ايتا كەتەيىك، بۇگىن الەۋمەتتىك جەلىدە الماتىدا كوروناۆيرۋس انىقتالعان جانە تاراپ جاتقان ناقتى مەكەنجايلار مەن شاعىناۋداندار كورسەتىلگەن اقپارات پايدا بولدى. الايدا، قالا اكىمدىگى بۇل مالىمەتتى جوققا شىعارعان ەدى. ءسال كەيىنىرەك ە. باباقۇماروۆ قالادا بىرنەشە تۇرعىن ءۇي كەشەنى كارانتينگە جابىلعانىن ءمالىم ەتتى. ەسكە سالساق، كەشە تۇندە الماتىداعى «سۇڭقار» تۇرعىن ءۇي كەشەنى ناۋقاس تۇرعىننىڭ انىقتالۋىنا بايلانىستى كارانتينگە جابىلدى. تۇرعىن ءۇي كەشەنىنەن كىرىپ- شىعۋعا رۇقسات جوق. مۇندا 1 عانا ازىق- تۇلىك دۇكەنى جۇمىس ىستەيتىن بولادى.
