ءبىر تاۋلىكتە تاعى 11 مىڭعا جۋىق ادام كوروناۆيرۋس جۇقتىردى
نۇر-سۇلتان. قازاقپارات - 24 ساعاتتا كوروناۆيرۋستىڭ جاڭا ءتۇرىن جۇقتىرعانداردىڭ سانى 10982 گە جەتىپ، تاعى 343 ادام قايتىس بولدى.
جاڭا مالىمەتتەردى دۇنيەجۇزىلىك دەنساۋلىق ساقتاۋ ۇيىمى كەلتىرگەن، - دەپ حابارلايدى ريا نوۆوستي.
الەم بويىنشا COVID-19 جۇقتىرعانداردىڭ سانى - 153517 بولسا، كوروناۆيرۋستىڭ جاڭا تۇرىنەن قايتىس بولعانداردىڭ جالپى سانى - 5375.
قىتايدان تىس جەرلەردە 72469 ادام ۆيرۋس جۇقتىرىپ، 2531 ادام قايتىس بولعان.
دۇنيەجۇزىلىك دەنساۋلىق ساقتاۋ ۇيىمى قىتايدان تاراعان COVID-19 دى پاندەميا دەپ جاريالاعان. ايتا كەتەيىك، پاندەميا - بۇل الەمدىك اۋقىمداعى جاڭا اۋرۋدىڭ تارالۋى. ادەتتە پاندەميا بۇكىل حالىقتىڭ ەداۋىر بولىگىن زاقىمدايتىن جاپپاي سيپات العان اۋرۋدى بىلدىرەدى. كوروناۆيرۋس 140 تان اسا ەلدە تىركەلگەن.
