تۇركيا جاعالاۋىندا ميگرانتتار مىنگەن قايىق باتىپ كەتتى: 11 ادام قازا تاپتى
يزمير. انادولى - قازاقپارات - تۇركيانىڭ باتىسىندا قايىق سۋعا باتىپ، 11 زاڭسىز ميگرانت، سونىڭ ىشىندە سەگىز بالا قازا تاپتى.
بۇل تۋرالى تۇركيا جاعالاۋ كۇزەتىنىڭ وكىلى جاريالادى، دەپ حابارلايدى قازاقپارات انادولى اگەنتتىگىنە سىلتەمە جاساپ.
يزمير پروۆينتسياسىندا چەشمە جاعالاۋىندا 19 زاڭسىز ميگرانت مىنگەن قايىق اۋدارىلىپ كەتتى. تۇركيانىڭ جاعالاۋ كۇزەتى سەگىز ميگرانتتى قۇتقارىپ قالدى.
اتالىپ وتىلگەندەي، تۇركيا جاڭا ءومىر باستاعىسى كەلەتىن زاڭسىز ميگرانتتاردىڭ ەۋروپاعا وتۋىنە جول اشاتىن نەگىزگى ترانزيت بەكەتى. ميگرانتتار وتانىنداعى سوعىس قيمىلدارى مەن قۋدالاۋلاردان قاشىپ كەلۋدە. تۇركيا ىشكى ىستەر مينيسترلىگىنىڭ مالىمەتىنشە، 2018-جىلى ەلدە 268000 زاڭسىز ميگرانت ۇستالعان.
