ايفون-11 سمارتفونىنىڭ ديزاينى كورسەتىلدى

 نۇر-سۇلتان. قازاقپارات - جەلىدە iPhone سمارتفونىنىڭ جاڭا مودەلىنىڭ سۋرەتى جاريالاندى، - دەپ جازادى Lenta.ru.

كەيبىر دەرەككوزدەرگە سۇيەنسەك، جاڭا مودەل iPhone XI دەپ اتالادى. جاريالانعان سۋرەتتە سمارتفوننىڭ ءپىشىنى iPhone X پەن Xs كە ۇقساس بولاتىنى بايقالادى.

باستى ەرەكشەلىگى - وندا ءۇش مودۋل بولادى. باسىلىمنىڭ مالىمەتىنشە، جاڭا گادجەتتىڭ كامەراسى Huawei P30 بەن Samsung Galaxy S1 سمارتفوندارىنىڭ كامەراسىنا ۇقساس بولىپ كەلەدى. © Slashleaks.com سونداي-اق، iPhone XI مودەلىندە جاڭا فۋنكسيا پايدا بولاتىنى ايتىلادى.

وسىلايشا، سمارتفون Qi كومەگىمەن باسقا دا اكسەسسۋارلاردى قۋاتتاي الادى. ساراپشىلاردىڭ بولجامىنا قاراعاندا، Apple وكىلدەرى جاڭا مودەلگە iPad Pro-داعىداي USB- C جالعاعىشىن ورناتادى. جاڭا سمارتفون 2019 -جىلدىڭ كۇزىندە تانىستىرىلادى. مۇنىڭ الدىندا يىلەتىن iPhone سمارتفوندارىنىڭ سىزبالارى پايدا بولعان ەدى.