قىزىلوردادا 11 بالا تاربيەلەگەن باتىر انا باسپانالى بولدى
وبلىس اكىمى باسپا ءسوز قىزمەتىنىڭ مالىمەتىنشە، قىزىلوردادا ەگىن جيناۋ ناۋقانىنىڭ اياقتالۋىنا وراي مەرەكەلىك ءىس- شارالار ءوتىپ جاتىر. سالتاناتتى شارادا وبلىس اكىمى ديقانداردى ەگىن جيناۋ ناۋقانىنىڭ ءساتتى اياقتالۋىمەن قۇتتىقتاپ، سالا بويىنشا ۇزدىك قىزمەتكەرلەر مەن ارداگەرلەردى ماراپاتتادى.
«التىن ءدان» ەڭبەك مەرەكەسىندە سوتسياليستىك ەڭبەك ەرى، 11 بالا تاربيەلەپ وسىرگەن باتىر انا، ىبىراي جاقايەۆتىڭ شاكىرتى ءساليما جۇمابەكوۆاعا جاڭا باسپانانىڭ كىلتىن ءوڭىر باسشىسى تاپسىردى.
«سىر ەلىن «الاشتىڭ اناسى» دەپ اتايدى، ال ءساليما جۇمابەك قىزىن «سىر اناسى» دەپ اتاۋعا بولادى»، - دەدى قىرىمبەك كوشەربايەۆ.
ءوز كەزەگىندە ءساليما اپا وبلىس باسشىلىعىنا قامقورلىعى مەن جاڭا كەڭ باسپانا ءۇشىن العىسىن ءبىلدىردى.
ءساليما جۇمابەكوۆا 1935 -جىلى 25 -تامىزدا قىزىلوردا وبلىسى، قارماقشى اۋدانى، لەنين اۋىلىندا دۇنيەگە كەلگەن. ك س ر و جوعارعى كەڭەسىنىڭ دەپۋتاتى بولعان، سونداي-اق، ءوزى تۋعان اۋىلدا اۋىلدىق كەڭەستى باسقارعان.