15:51, 27 - ماۋسىم 2018 | GMT +5
قىرعىزستاندا 11 ادام ءسىبىر جاراسىن جۇقتىرعان
بىشكەك. قازاقپارات - قىرعىزستاننىڭ جالالابات وبلىسىندا ءسىبىر جاراسىن جۇقتىردى دەگەن جورامالمەن 11 ادام اۋرۋحاناعا جاتقىزىلدى.
بۇل تۋرالى قىرعىز رەسپۋبليكاسىنىڭ دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ كابار اگەنتتىگى حابارلايدى.
مينيسترلىك وكىلدەرى ءۇش ايەل جانە سەگىز ەر ادامنىڭ ناۋقاس ەكەنىن راستاعان.
«ماماندار كلينيكالىق دياگنوزدى راستادى. لابوراتوريادا زەرتتەۋ ءۇشىن سىنامالار الىندى. ناۋقاستاردىڭ بارلىعى ەت سالىنعان تاماق جەگەن. ءبىراق ءدال دياگنوزدى لابوراتوريالىق زەرتتەۋلەر انىقتايدى. اۋرۋحاناداعىلاردىڭ جاعدايى تۇراقتى. ولارعا قاجەتتى ەم- دوم جاسالىپ جاتىر» ، - دەلىنگەن حابارلامادا.
دەنساۋلىق ساقتاۋ مينيسترلىگىنىڭ وكىلدەرى ءسىبىر جاراسىن جۇقتىرعانداردىڭ بارلىعى مال سويۋعا قاتىسقانىن ايتادى.
