الەمدەگى ەڭ قاۋىپتى 11 ماماندىق

 استانا. قازاقپارات - ەگەر ءوز جۇمىسىڭىزعا كوڭىلىڭىز تولماسا، تومەندە اتالعان ماماندىقتار ويىڭىزدى تۇبەگەيلى وزگەرتەدى.

بۇل ماماندىقتار ەرەكشە، ادامدى ەلىكتىرەتىن ءارى كوپ جالاقى تولەنەتىن جۇمىس بولىپ كورىنۋى مۇمكىن. ءبىراق ولاردى ورتاقتاستىراتىن - قاۋىپتىلىك.

جىلان ساۋۋشى جىلان ساۋۋشىلار جىلاننىڭ ۋىن الۋمەن شۇعىلدانادى. جىلان ۋى كوپتەگەن زاتتاردىڭ قۇرامىندا قولدانىلادى. ءبىراق مەديتسينا سالاسىنداعى ماڭىزى وراسان. اتالعان جۇمىستا قاۋىپسىزدىك شارالارى قولدانىلعانىمەن، ءار ساۋۋ پروتسەسى وتە قاۋىپتى.

 قۇرىلىسشى قۇرىلىسشىلار قاۋىپسىزدىكتى قامتاماسىز ەتەتىن ارنايى قۇرىلعىلار قولدانعانىمەن، بۇل جۇمىستا ومىرگە قاۋىپتى قۇرالدار، اۋىر زاتتار جەتەرلىك. سونىمەن قاتار بيىكتە جۇمىس ىستەۋدىڭ ءوزى ايتارلىقتاي قاۋىپتى.

جەتكىزۋشى قىزىق، ءبىراق كوپتەگەن ەلدە جەتكىزۋشى قىزمەتى وتە قاۋىپتى سانالادى. ماس ادامداردىڭ نەمەسە اشۋلى ادامنىڭ ۇيىنە پيتستسا جەتكىزۋگە بارساڭىز، نە بولاتىنىن ويلاڭىزشى. سونىمەن قاتار جەتكىزۋشىلەردى ءجيى توناپ كەتەدى ەكەن.

رودەو- شاباندوز بۇل جۇمىس 90-جىلداردىڭ سوڭىندا تانىمال بولا باستادى. 8 سەكۋندقا سوزىلاتىن قويىلىم ءۇشىن قىرۋار اقشا تولەنەتىن ەدى. الايدا تولەنەتىن اقشادان گورى، قويىلىم بارىسىندا الاتىن جاراقاتتار الدەقايدا ماڭىزدى ەكەنىن ايتا كەتكەن ءجون. كورسەتكىش بويىنشا، رودەو- شاباندوز ءار 15 قويىلىمنىڭ بىرەۋىندە جاراقات الادى ەكەن.

 تاۋعا جولباستاۋشى كوپتەگەن ادام بيىك تاۋدىڭ شىڭىنا شىعۋدى ارماندايدى. كەيبىرى ارمانىن ورىنداۋ ءۇشىن، تاۋعا الىپ باراتىن جولباسشى ماماندىعىن تاڭدايدى ەكەن. ولاردىڭ جۇمىسى تەك جول كورسەتۋمەن شەكتەلمەيدى. جولباسشىلار اۋىر جۇكتى كوتەرىپ، قاۋىپتى جولداردى انىقتاپ، وزگە ادامداردىڭ قاۋىپسىزدىگى ءۇشىن جاۋاپ بەرەدى.

ميكروچيپتەردى ءوندىرۋشى كومپيۋتەرگە ارنالعان چيپتەردى ءوندىرۋ ءۇشىن ءتۇرلى قاۋىپتى حيميالىق زاتتار قولدانىلادى. ولاردىڭ قاتارىندا سىناپ تا بار. ميكروچيپتەر ءوندىرىسى ادام ولىمىنە الىپ كەلمەسە دە، سالدارىنان ايەل قىزمەتكەرلەر تۇسىك تاستايدى نەمەسە ءسابي دەنساۋلىعىندا كىناراتپەن تۋىلادى ەكەن. سونىمەن قاتار، قىزمەتكەرلەر تىنىس جولدارى اۋرۋلارىنا نەمەسە قاتەرلى ىسىككە شالدىعۋى مۇمكىن.

اسكەري ءتىلشى ومىردەگى شىندىقتا سول قالپىندا جەتكىزۋدىڭ ماڭىزى زور. الايدا بۇل قىزمەت ادام ومىرىنە ايتارلىقتاي قاۋىپ توندىرەدى. سونىمەن قاتار الەم بويىنشا تىلشىلەردى ۇرلاپ كەتەتىن، ازاپتاپ نەمەسە ولتىرەتىن جاعدايلار دا از ەمەس. ال سوعىس اۋماعىندا بولساڭىز، ول جەردە ءتىلشى ەمەس، دۇشپان رەتىندە قابىلداناسىز.

مۇناي پلاتفورماسىندا جۇمىس ىستەۋ بۇرعىلاۋشىلار الەمدەگى ەڭ جەڭىل تۇتانعىش زاتتارمەن جۇمىس ىستەيدى. كەيدە ولارعا قاتارىنان 16 ساعات، تاۋلىك بويى نەمەسە 2 كۇن جۇمىس ىستەۋگە تۋرا كەلەدى. بۇرعىلاۋشىلار اراسىندا ءورت، جارىلىس نەمەسە باتىپ كەتۋ سالدارىنان كوز جۇمۋ كەڭ تارالعان.

 قولتىراۋىندى ۇيرەتۋشى بۇل ماماندىق ءسىزدى قولتىراۋىنعا جەم بولۋعا اكەلۋى مۇمكىن. قولتىراۋىندى ۇيرەتۋشى ءوز ءومىرىن تاۋەكەل ەتىپ، دەنە مۇشەلەرىن قولتىراۋىن اۋزىنا تىعىپ، قۇيرىعىمەن ويناپ، باسقا دا ميعا سىيىمسىز ارەكەتتەرگە بارادى.

 اعاش كەسۋشى اعاش كەسۋشى الەمدەنى ەڭ قاۋىپتى ماماندىقتاردىڭ ءبىرى سانالادى. سەبەبى وزگە ماماندىقتارعا قاراعاندا، اتالعان سالا جۇمىسشىلارى اراسىنداعى ءولىم 20 ەسە جوعارى ەكەن. كۇن سايىن اۋىر تەحنيكالارمەن جۇمىس ىستەيتىن ماماندار كوبىنە قۇرىلعى ىستەن شىققاندىقتان نەمەسە اعاش استىندا قالعاندىقتان كوز جۇمادى ەكەن.

بالىقشى بالىق اۋلاۋ دا وڭاي ءىس ەمەس كورىنەدى. بالىق اۋلاۋشى - الەمدەگى قاۋىپتى ماماندىقتاردىڭ ءبىرى. وعان اۋا رايىنداعى وزگەرىستەر سەبەپ بولادى. بارلىق ماماندىق ىشىندە ماماندارى ەڭ كوپ ولىمگە دۋشار بولاتىن بالىقشىلار بولىپ شىقتى.

 osken-onir.kz