ۇلى بريتانيا سوتى 11 ايلىق ءسابيدى ءولتىرۋ تۋرالى شەشىم شىعاردى

استانا. قازاقپارات - بىرنەشە اپتادان بەرى بريتانيا باسىلىمدارى وسى جاڭالىق تۋرالى جارىسا جازىپ جاتىر.

11 ايلىق چارلي گارد سيرەك كەزدەسەتىن گەنەتيكالىق اۋرۋعا شالدىققان ەكەن. ال دارىگەرلەر ونى ەمدەۋدەن باس تارتىپ وتىر. ءتىپتى، ونى اپپاراتتان ءوشىرۋ تۋرالى شەشىم شىعارعان.

بۇل تۋرالى anews.com باسىلىمى حابارلايدى.

بىرنەشە بريتانيانىڭ سوتى ءسابيدى اپپاراتتان ءوشىرۋ تۋرالى شەشىم قابىلدادى. مۇنى ادام قۇقىعىن قورعايتىن ەۋروپا سوتى دا قوشتاپ وتىر. سوت وكىلدەرىنىڭ ايتۋىنشا، كەز كەلگەن ەم سابيگە تەك كەرى اسەرىن الىپ كەلەدى.

وسى وكىمنەن كەيىن ءسابيدىڭ اتا-اناسىنىڭ قانداي كۇيدە ەكەنى ايتپاسا دا تۇسىنىكتى. كونني مەن كريس سوت شەشىمىمەن كەلىسپەي وتىر. بۇل جاڭالىقتى ەستىگەن امەريكا دارىگەرلەرى جاس اتا-اناعا كومەك قولىن سوزعان. ءتىپتى، لوندونعا تانىمال نەيروبيولوگ ميچيو حيرانو ۇشىپ كەلگەن.

ءسابيدى تەكسەرگەن ميچيو ونىڭ دەنساۋلىعىن جاقسارتۋعا بولاتىنىن ايتتى. مۇنىمەن قاتار، ول بۇلشىق ەت جۇمىسىن قالىپقا كەلتىرىپ، ارىقتاۋدان امان ساقتاپ قالۋعا بولاتىنىن جەتكىزگەن. پروفەسسور بۇل تۋرالى ۇلى بريتانيا سوتىنىڭ وتىرىسىندا مالىمدەگەن.

ا ق ش كونگرەسسى اتا-انانى قورعاپ، ولارعا ازاماتتىق پەن تەگىن ەمدەلۋ ۇسىندى. قۋانىشتارىنا وراي، جاس وتباسى قايىرىمدىلىق قورىنىڭ ارقاسىندا 1,5 ميلليون دوللار اقشا جيناعان. دەسە دە، ۇلى بريتانيا دارىگەرلەرى سابيگە ەشقانداي ەم كومەكتەسپەيتىنىن العا تارتتى.