قازاقستاندا ءبىر اپتانىڭ ىشىندە 11 بالا سۋعا اعىپ كەتتى

3-9 -شىلدە كۇندەرى قۇتقارۋشىلار سۋعا باتقان 10 ادامدى، سونىڭ ىشىندە 5 بالانى قۇتقارىپ قالدى.

بالالاردىڭ قازا تابۋىنىڭ نەگىزگى سەبەپتەرى ارنايى جابدىقتالماعان جەردە شومىلۋ، بالىق اۋلاۋدا ەرەجەلەردى بۇزۋ، سونداي-اق بالالاردى ەرەسەكتەردىڭ قاراۋىنسىز قالدىرۋ بولىپ وتىر. بالالار ەڭ كوپ سۋعا كەتكەن وبلىستاردىڭ ىشىندە اقمولا، اقتوبە،  قىزىلوردا جانە وڭتۇستىك قازاقستان وبلىستارى بار.

بۇدان بولەك،  قىزىلوردا وبلىسىنىڭ سىرداريا وزەنىندە، قوستاناي وبلىسىنىڭ توبىل وزەنىندە جانە باتىس قازاقستان وبلىسىنىڭ كوشىم كانالىندا ىزدەستىرۋ جۇمىستارى جۇرگىزىلۋدە.