قىتاي «ءبىر بەلدەۋ، ءبىر جول» ەلدەرىنە 11 ميللياردتان استام قاراجات بولەدى
«الداعى ءۇش جىلدا قىتاي اۋقىمدى جوبا كولەمىن ىسكە قوسۋ جانە حالىقتاردىڭ جاقسى ءومىرىن قامتاماسىز ەتۋ ءۇشىن «ءبىر بەلدەۋ، ءبىر جول» باستاماسىنا قاتىساتىن حالىقارالىق ۇيىمدارعا جانە دامۋشى ەلدەرگە 60 ميلليارد يۋان (8,8 ميلليارد دوللار) كومەك كورسەتەدى.
قىتاي جىبەك جولى بويىنداعى ەلدەرگە ميلليارديۋان (شامامەن 294 ميلليون دوللار) ازىق-تۇلىك كومەگىن كورسەتەدى، «وڭتۇستىك-وڭتۇستىك» جەلىسى بويىنشا ىنتىماقتاستىق ءۇشىن كومەك قورىنا 1 ميلليارد دوللار قوسىمشا قارجى بولەدى»، - دەدى ول.
ونىڭ ايتۋىنشا، ق ح ر «باقىتتى ءۇي» 100 جوباسىن، كەدەيلىكتى جويۋ بويىنشا 100 جوبا جانە «ءبىر بەلدەۋ، ءبىر جول» بويىنداعى ەلدەردە دەنساۋلىق ساقتاۋ جانە ساۋىقتىرۋ بويىنشا 100 جوبانى ىسكە قوسادى.
«قىتاي ءتيىستى حالىقارالىق ۇيىمدارعا «ءبىر بەلدەۋ، ءبىر جول» بويىنداعى ەلدەرگە تابىس اكەلەتىن جوبالاردى ىسكە اسىرۋعا 1 ميلليارد دوللار بەرەدى»، دەپ اتاپ ءوتتى قىتايلىق كوشباسشى.
ەسكە سالساق، فورۋمعا 29 مەملەكەت جانە 3 حالىقارالىق ۇيىم (ب ۇ ۇ، دۇنيەجۇزىلىك بانك، حالىقارالىق ۆاليۋتا قورى) باسشىلارىمەن بىرگە قازاقستان پرەزيدەنتى ن. نازاربايەۆ قاتىسۋدا.
