قازاقستان دوپينگ داۋىنان كەيىن الەم چەمپيوناتىندا 11 -ورىنعا تۇراقتادى

استانا. قازاقپارات - قازاقستاندىق بياتلونشىلار قوناق ۇيلەر تىنتىلگەن شۋدان سوڭ اۆسترياداعى الەم چەمپيوناتىندا ارالاس ەستافەتادان 11- ورىن يەلەندى دەپ حابارلايدى Sputnik قازاقستان اگەنتتىگى.

ارالاس ەستافەتادا (2x6 شاقىرىم ايەلدەر+2x7,5 شاقىرىم ەرلەر) قازاقستاندىق كۆارتەت مارەگە 11- بولىپ جەتتى. ەستافەتادا قازاقستاننىڭ نامىسىن ولگا پولتورانينا، اننا كيستانوۆا، ماكسيم براۋن جانە يان ساۆيتسكيي قورعادى.

جارىستا ءبىرىنشى ورىنعا نەمىستەر قول جەتكىزسە، كۇمىس جۇلدەنى فرانسيا يەلەنىپ، رەسەي ەلى مارەگە ءۇشىنشى بولىپ تابان تىرەدى.

بۇدان بۇرىن حابارلانعانداي، اۆستريانىڭ قۇقىق قورعاۋ ورگاندارى حوحۆيلتسەندەگى بياتلوننان الەم چەمپيوناتى الدىندا قازاقستان قۇراماسى ورنالاسقان قوناق ۇيگە ءتىنتۋ جۇرگىزگەن بولاتىن.

قازاقستان قۇراماسى ورنالاسقان بولمەلەر مۇقيات تەكسەرىلىپ، كوپتەگەن مەديتسينالىق قۇرىلعىلار مەن تىيىم سالىنعان پرەپاراتتار تابىلعان ەدى. قازىرگى ۋاقىتتا تابىلعان ءدارى-دارمەكتەر اۆستريانىڭ دوپينگكە قارسى ۇلتتىق اگەنتتىگىنە جىبەرىلدى.