قازاق قىزدارى شۆەتسيادا وتكەن بوكس تۋرنيرىندە 11 مەدال جەڭىپ الدى
قازاقستان بوكس فەدەراتسياسىنىڭ حابارلاۋىنشا، Golden Girl تۋرنيرىنىڭ العاشقى التىنىن 80 كەلىگە دەيىنگى سالماق ساناتىندا جارىس جولىنا شىققان 15 جاستاعى ەلدانا ءتالىپوۆا قانجىعاعا سالدى.
تالانتتى جاس بوكسشى اقتىق ايقاستا يرلانديالىق لورەن راياننان باسىم ءتۇستى. ايتا كەتەرلىگى، قازاق بوكسشىسى ءبىرىنشى راۋندتتا- اق تورەشىلەر شەشىمىمەن جەڭىسكە جەتكەن بولاتىن.
جاس وسپىرىمدەر اراسىندا الەم چەمپيونى 16 جاستاعى نادەجدا ريابەتس (69 كەلى) تە بىرنەشە اۋىر كەزدەسۋ وتكىزىپ، سوڭعى جەكپە-جەكتە كانادالىق چارلي كاۆانودان باسىم ءتۇستى. ءۇشىنشى التىندى الماتى وبلىسىنىڭ تۋماسى 16 جاستاعى گۇزاليا سادىقوۆا جەڭىپ الدى.
ەسكەرە كەتەرلىگى، 75 كەلىگە دەيىنگى سالماق ساناتىندا فينالعا شىققان بوكسشىمىزدىڭ قارسىلاسى تاعى ءبىر وتانداسىمىز سالتانات ەستايەۆا بولعان ەدى. ريابەتس پەن سادىقوۆا 2018-جىلدىڭ قىركۇيەگىندە بۋەنوس-ايرەستە وتەتىن جاس وسپىرىمدەر اراسىنداعى وليمپيادا ويىندارىنا قاتىسۋعا ۇمىتكەر سانالادى. شۆەتسيانىڭ بۋروس قالاسىندا ءوتىپ جاتقان Golden Girl تۋرنيرىنە الەمنىڭ 22 ەلىنەن 254 سپورتشى قاتىستى.
اۆتور: مارلان جيەمباي
