الماتى وبلىسىندا ۇستالعان راديكالدار 11 - قىركۇيەكتە ا ق ش- تا ورىن العان تەراكتىنى قايتالاماق بولعان - ۇ ق ك
بۇل تۋرالى ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنەن حابارلاندى.
«18 - تامىزدا قىرعىزستاننىڭ ءبىر ازاماتى مەن بۇعان دەيىن سوتتى بولعان ەكى قازاقستاندىق ۇستالعان بولاتىن. ولار قوعامدا ۇلكەن ۇرەي تۋدىرۋ ماقساتىندا جەرگىلىكتى جەردە جۇرت جاپپاي جينالاتىن ورىنداردا تەراكتى جاساۋ جولدارىن قاراستىرعان. بۇدان بولەك، تالدىقورعان اۋەجايىندا بارلاۋ جاساپ، ازاماتتىق نەمەسە اسكەري ۇشاقتاردى ايداپ اكەتىپ، 2001 - جىلى 11- قىركۇيەكتە ا ق ش- تا ورىن العان تەرروريستىك اكتىگە ۇقساس شابۋىل جاساۋ جولدارىن زەرتتەگەن»، - دەلىنگەن باسپا ءسوز بايانىندا.
ۇستالعاندار وسىنداي تەراكتىنى جاساماس بۇرىن بەينەروليك ءتۇسىرىپ، وندا وزدەرىنىڭ شابۋىلى تۋرالى تۇسىنىك بەرىپ، مۇنى ينتەرنەتكە ورنالاستىرۋدى دا جوسپارلاعان. بۇدان بولەك، اتىس قارۋ- جاراعى مەن وق- دارىلەر ساتىپ الۋ ءۇشىن شارۋا قوجالىقتارىنىڭ جانە شاعىن نەسيە ۇيىمدارىنىڭ باسشىلارىنا قاراقشىلىق شابۋىل جاساۋعا دا دايىندالعان.
ەسكە سالا كەتسەك، بۇعان دەيىن حابارلانعانىنداي، 18 - تامىزدا الماتى وبلىسىندا ارنايى وپەراتسيا ناتيجەسىندە ءتورت ادامنان تۇراتىن تەرروريستىك توپ قۇرىقتالدى. ولارعا رەسپۋبليكا اۋماعىندا ءبىرقاتار تەرروريستىك اكتىلەر جوسپارلاعان دەگەن كۇدىك كەلتىرىلۋدە. قازاقستان جانە قىرعىزستان ازاماتتارى بولىپ تابىلاتىن توپتان قولدان جاسالاتىن جارىلىس قۇرىلعىلارىنا پايدالانىلاتىن كومپونەنتتەر، ءدىني- ەكسترەميستىك باعىتتاعى ماتەريالدار تابىلدى. ولار بۇل زاتتاردى وزدەرى تۇرىپ جاتقان جەرىندە قۇپيا ورىندارعا تىعىپ تاستاعان.
ال ۇ ق ك ءتوراعاسى ۆلاديمير جۇماقانوۆ ۇستالعانداردىڭ سالافيزم اعىمىن ۇستاناتىندار ەكەنىن مالىمدەگەن بولاتىن. ايتا كەتەرلىگى، ولاردىڭ بۇعان دەيىن اقتوبە جانە الماتى قالاسىندا جاسالعان تەرروريستىك اكتىلەرگە قاتىسى جوق بولىپ شىقتى.
اۆتور: قانات مامەتقازى ۇلى
