تۋلادا 11 جىل بۇرىن «قايتىس بولعان» ايەل ءتىرى بولىپ شىقتى

استانا. قازاقپارات - رەسەيدىڭ تۋلا قالاسىندا تۇراتىن ايەلدىڭ ءى ءى م بازاسىندا قايتىس بولعان رەتىندە تىركەلگەنى كۇتپەگەن جەردەن انىقتالدى، دەپ حابارلادى پلانەتا. ر ۋ.

ماسكەۋلىك تۋريست تۋلادا سكۆەر ماڭىندا سەرۋەندەپ ءجۇرىپ، ەرەسەك ادامنىڭ قاراۋىنسىز ءبىر بالانىڭ ۇيىقتاپ جاتقانىن بايقايدى. ول بىردەن پوليتسيا بولىمشەسىنە حابارلاستى. بىردەن جەتكەن قۇقىق قورعاۋ ورگاندارىنىڭ قىزمەتكەرلەرى شىنىمەن ۇيىقتاپ جاتقان بالانىڭ ۇستىنەن تۇسكەن. ءبىراز ۋاقىتتان كەيىن ەكى بالا ەرتكەن ايەل كەلىپ، بالانىڭ اناسى ەكەنىن مالىمدەدى. ول بالا شارشاعانىن، ال وزىنە دۇكەنگە كىرۋ قاجەت بولعانىن، سول ءۇشىن جالعىز قالدىرىپ كەتۋگە تۋرا كەلگەنىن ايتتى. قۇجات كورسەت دەگەندە، ول تەك بالالاردىڭ تۋۋ تۋرالى كۋالىگىن كورسەتكەن. تەكسەرۋ بارىسىندا ول 11 جىل بۇرىن قازا تاپتى دەپ تىركەلگەنى انىقتالدى.

ول ۆولوگدادا تۇرىپ كەلگەن، الايدا 13 جاسىندا اتا-اناسىمەن ۇرسىسىپ قالىپ، 1992 -جىلى ۇيىنەن كەتىپ قالعان. سودان بەرى ىزدەۋدە بولعان. 2005 -جىلى سوت شەشىمىمەن قازا تاپتى دەپ تانىلعان. 25 جىل ونى كورمەگەن اناسى بىردەن تۋلاعا كەلىپ، قىزىمەن جولىققان. قازىر قۇجاتتى قالپىنا كەلتىرىپ، بالالارعا كومەكتەسۋ ماسەلەسى شەشىلۋدە.