الماتى وبلىسىندا تۋريزمدى دامىتۋدىڭ 11 جوباسى جۇزەگە اسىرىلۋدا
57-قادام شەڭبەرىندە تۋريزم سالاسىندا ستراتەگيالىق ينۆەستورلار تارتۋعا قاتىستى «زاكىرلى» جوبالار تىزىمىنە «اقبۇلاق» حالىقارالىق تۋريستىك ورتالىعى كىردى، ينۆەستورى - سينگاپۋرلىق «Steppe Capital» ا ق. ۋچاسكە الاڭى 800 گ ا، ونىڭ ىشىندە جوبا ىسكە اسىرىلاتىن جەر - 170 گ ا. جوبانىڭ قۇنى - 90 ميلليارد تەڭگە.
جوبانى جۇزەگە اسىرۋ اياسىندا تالعار اۋدانىندا «اقبۇلاق» شيپاجاي- ساۋىقتىرۋ كەشەنىنە اپاراتىن «بىرلىك- المالىق- رىسقۇلوۆ- قازستروي- اقبۇلاق» اۆتوجولىنىڭ قۇرىلىسى جۇرگىزىلۋدە.
الاكول كولىندە جاعاجاي جانە ساۋىقتىرۋ تۋريزمىن دامىتۋ ءۇشىن
«Falcon Petroleum», «AQUAMARINE resort»
ج ش س، «كاريموۆ» ج ك ينۆەستورلارى تارتىلدى، ولار 400 ورىندى بەس جۇلدىزدى قوناق ءۇي جانە 500، 300 ورىندى قوناق ءۇي كەشەندەرىن سالۋدا.
تۋريستەردى جايلى جەتكىزۋ ءۇشىن «الماتى- جەتىگەن- اقشي- دوستىق» تەمىرجول قاتىناسى جۇمىس جاسايدى، ول جەرگىلىكتى بيۋدجەتتەن سۋبسيديالانادى، بيىلعى جىلى ءۇشارال قالاسىندا اۋەجاي قۇرىلىسى باستالادى.
الاكول كولىندەگى دەمالىس بازالارىنا 600 ميلليون تەڭگەگە 93,8 شاقىرىم ەلەكتر جەتكىزۋ جەلىلەرى تارتىلدى، 1,9 ميلليارد تەڭگەگە ۇزىندىعى 23,8 شاقىرىم اۆتوموبيل جولدارىن قايتا جاڭعىرتۋ اياقتالۋدا.
سونداي- اق، اقشي اۋىلىندا تۋريستەرگە قىزمەت كورسەتۋ ءۇشىن زاماناۋي قۇرالدارمەن جانە رەانيموبيلمەن جاراقتاندىرىلعان دارىگەرلىك امبۋلاتوريالار قۇرىلىسى جۇرگىزىلۋدە.
وبلىستا جالپى 233 ميلليارد تەڭگەنىڭ 11 جوباسى جۇزەگە اسىرىلىپ جاتىر.
