09:41, 15 - ءساۋىر 2016 | GMT +5
دارىگەرلەر 11 ايلىق سيام ەگىزدەرىن اجىراتۋ وتاسى ءساتتى ءوتتى
استانا. قازاقپارات - ا ق ش- تىڭ تەحاس شتاتىنداعى دريسكولل بالالار اۋرۋحاناسىندا حيمەنا جانە سكارلەت ەسىمدى سيام ەگىزدەرىن ءبولۋ وتاسى ءساتتى ءوتتى.
دەنەلەرى قوسىلىپ قالعان ەگىزدەر مەن ولاردىڭ اپكەسى كارولينا 2015 -جىلدىڭ 16 -مامىرىندا دۇنيەگە كەلدى.
دارىگەرلەردىڭ ايتۋىنشا، دۇنيەگە ۇشەمنىڭ ەكەۋىنىڭ ءبىر- بىرىمەن قوسىلىپ تۋىلۋى - وتە سيرەك كەزدەسەتىن جاعداي. مۇنداي وقيعا سوڭعى رەت قۇراما شتاتتاردا 1966 -جىلى بولعان.
دارىگەرلەر 11 ايلىق ەگىزدەردى ءبىر- ىرىنەن اجىراتۋ بويىنشا كۇردەلى وتانى 15 ساعات بويى وتكىزدى. ولار بۇل وپەراتسياعا بىرنەشە اي دايىندالعان ەدى.
قازىرگى كەزدە دارىگەرلەر ەگىز سابيلەردىڭ ساۋىعىپ كەتۋىنە وڭ بولجامىن بەرىپ وتىر. الايدا، ولارعا تاعى بىرنەشە وتا جاسالۋى ءتيىس، دەپ جازادى informing.ru.
