قىزىلوردادا 11 جاسار ءبۇلدىرشىن ءسىڭلىسى مەن ەكى باۋىرىن ورتتەن قۇتقارىپ قالدى
«دەرەۋ وقيعا ورنىنا قىزىلوردا وبلىسى ت ج د ءورت ءسوندىرۋ جانە اۆاريالىق- قۇتقارۋ جۇمىستارى قىزمەتى №12 ءورت ءسوندىرۋ ءبولىمىنىڭ ەكى توبى جىبەرىلدى. وقيعا بولعان جەرگە كەلىپ جەتكەن ۋاقىتتا، ءۇيدىڭ بارلىق تەرەزەلەرىنەن قالىڭ ءتۇتىن قاۋلاپ شىعىپ جاتتى. كوشەدە جەڭىل كيىممەن ءتورت بالا تۇردى»، دەلىنگەن ق ر ءى ءى م ت ج ك باسپا ءسوز قىزمەتى تاراتقان حابارلامادا.
ءورت كەزىندە ءۇيدىڭ ءبىر بولمەسىندە بالالار بولعان، ۇلكەنى بيسەنبايەۆا ارۋجان 2004 -جىلى تۋعان. ارۋجان ەسىكتى اشىپ، ءتۇتىندى كورەدى. جانىپ جاتقان ۇيدەن شىعاتىن جەر ورتتەن كورىنبەدى. №10 -ورتا مەكتەپتىڭ 6 -سىنىپ وقۋشىسى تەرەزەدەن شىعىپ، بالالاردى قۇتقارۋ كەرەك دەپ شەشىم قابىلدايدى. ارۋجان ءوزىنىڭ جاس شاماسىنا قاراماي، ءوزىنىڭ باۋىرلارىنا تەرەزەدەن شىعىپ، ۇلكەندەردى كومەككە شاقىرۋعا كومەكتەسكەن. وسىلايشا، 2004 -جىلى تۋعان ءسىڭىلىسى ايشانى، 2013 جانە 2011 -جىلدارى تۋعان ىنىلەرى نۇرسۇلتان مەن نۇريسلامدى قۇتقارادى. بالالار ۋلى گازبەن ۋلانىپ، وبلىستىق بالالار اۋرۋحاناسىنا جەتكىزىلدى. ارۋجاننىڭ ساسقالاقتاماي، قورىقپاعانىنىڭ ارقاسىندا، قايعىلى جاعدايدان قۇتىلۋعا مۇمكىنشىلىك تۋدى.
ءورتتىڭ تارالۋى ساعات 12:34 تە توقتاتىلىپ، ساعات 13:25 تە جويىلدى. ءورت سوندىرۋگە 13 ادام جانە 5 بىرلىك ءورت ءسوندىرۋ- قۇتقارۋ تەحنيكالاسى قاتىستى. ءورتتىڭ سەبەبى انىقتالۋدا.
