08:19, 01 - اقپان 2016 | GMT +5
برازيليا سوتى 11 جاسار ۇل بالانى قىز دەپ تانىعان
استانا. قازاقپارات - بالا كەزىنەن بەرى ءوزىن قىز دەپ ويلاعان، ەسىمى اتالماي وتىرعان 11 جاسار برازيليالىق ۇل بالاعا تۋۋ تۋرالى جاڭا كۋالىكتە ونىڭ جىنىسى ايەل دەپ بەرىلەدى.
وسىنداي شەشىمدى سۋديا اندەرسون كانديوتتو شىعارعان، برازيليادا وسىعان ۇقساس وقيعالار ەشقاشان ورىن العان جوق، دەپ حابارلايدى LifeNews.
سۋديا ەڭ باستىسى - ەلدىڭ ءاربىر تۇرعىنى ءوزىن باقىتتى سەزىنۋ ەكەنىن ايتتى.
«ماسەلە وتا جاساتۋ مەن جىنىس ورگاندارىن وزگەرتۋ تۋرالى ەمەس، بالانىڭ ءوزىن قىز دەپ ويلايتىنى جانە باسقالارعا سولاي كورىنەتىنىندە»، - دەپ ءتۇسىندىردى سۋديا Folha de São Paulo باسىلىمىنا.
اندەرسون كانديوتتونىڭ پىكىرىنشە، برازيليادا ازاماتتاردىڭ نامىسى مەن ابىرويىن قورعاۋ، جانە دە ەڭ باستىسى - ولاردىڭ وزدەرىن باقىتتى سەزىنۋى ەڭ نەگىزگى پرينتسيپتەردىڭ ءبىرى بولىپ تابىلادى.
