11:28, 05 - قىركۇيەك 2015 | GMT +6
ۇيىنە كىرگەن ۇرىنى 11 جاستاعى بالا اتىپ ولتىرگەن
استانا. قازاقپارات - امەريكانىڭ ميسسۋري شتاتىندا 11 جاستاعى بالا ۇيىنە كىرگەن ۇرىنى اتىپ ولتىرگەن. وقيعا ورنىنا كەلگەن پوليتسەيلەر باسىنا وق ءتيىپ ولگەن 16 جاستاعى توناۋشىنىڭ ءمايىتىن كوردى.
پوليتسيا اتاپ وتكەندەي، ۇيدە بالانىڭ 4 جاسار قارىنداسى بولعان. ولاردىڭ اناسى ۇيدە بولمادى. پوليتسەيلەر توناۋشىنىڭ سىبايلاسى بولعانىن ايتتى.
توناۋشىلار ۇيگە تۇسكى ساعات 14:00 كىرگەن. ولاردى كورشىلەرى بايقاپ قالدى. كۋاگەرلەردىڭ ايتۋىنشا، ولار ۇيگە كىرىپ ۇلگەرمەدى. ەكەۋى ۇرىسىپ تۇرعاندا بالا وق اتقان. ءسويتىپ سىبايلاسى ءىزىن سۋىتتى. كەيىن ول دا ۇستالدى، دەپ حابارلادى CNN.
پوليتسيا بالالار نەگە ۇيدە قاراۋسىز قالعانىن جانە كامەلەتكە تولماعان بالا قارۋدى قايدان العانىن انىقتاۋدا. بالالاردىڭ اناسى بۇرىن توناۋشىلار ۇيىنە كىرمەك بولعاننان كەيىن قارۋدى ساتىپ العانىن ايتقان.