استانادا قالا ماڭىنداعى ەلدى- مەكەندەرگە قاتىنايتىن 11 جاڭا باعدار ەنگىزىلەدى

استانا. قازاقپارات - 2015 -جىلدىڭ 29 - تامىزىنان باستاپ استانا قالاسىندا قوعامدىق كولىكتەردىڭ 20 باعدارى وزگەرتىلەدى.
None
None

بۇل مودەرنيزاتسيا ۇلگىسى الدىن- الا بەكىتىلگەن جوسپارعا سايكەس استانا قالاسى جولاۋشىلاردى تاسىمالداۋ جانە اۆتوموبيل جولدارى باسقارماسى مەن "استانا لرت" ج ش س بىرلەسە جۇزەگە اسىرىلىپ جاتىر.

باستى ماقسات - باعدارلار جەلىسىن جاقسارتۋ، جولاۋشىلارعا كورسەتىلەتىن قىزمەت ساپاسىن ارتتىرۋ، قايتالاناتىن قوزعالىس جولدارىن ۇيلەستىرۋ.

استانا قالاسى باعدارلار جەلىسىنىڭ كونتسەپتسياسى حالىقارالىق TYPSA كومپانياسى كەڭەسشىلەرىمەن بىرىگىپ جەتىلدىرىلدى. ساراپشىلار ەسكى باعدارلار جەلىسىن سارالاپ، جولاۋشىلار اعىمىن زەرتتەپ، اۋقىمدى ساۋالناما جۇرگىزدى. ناتيجەسىندە، جاڭا مودەرنيزاتسيالانعان باعدارلار جەلىسى ەلوردانىڭ تۇرعىندارى مەن قالا قوناقتارىنىڭ 85 پايىزىن قاناعاتتاندىراتىنى انىقتالدى.

قالالىق باعدارلارمەن قاتار، استانا قالاسىندا 11 جاڭا قالا ماڭىنداعى ەلدى- مەكەندەرگە قاتىنايتىن قوسىمشا مارشرۋتتار ەنگىزىلمەك: استانا - اقمول مارشرۋتى № 300, استانا - قوسشى № 303, استانا - لەسنايا پوليانا № 301, استانا - تايتوبە № 302, استانا - جىبەك جولى № 304, استانا - قاراوتكەل № 305, استانا - تالاپكەر № 306, استانا - قوياندى № 307, استانا - قابانباي باتىر № 308, استانا - قوشقاربايەۆ № 309, استانا - ماكسيموۆكا № 310.

قالا ماڭىنداعى باعدارلار قۇنى ءبىر شاقىرىمعا 6,6 تەڭگەنى قۇرايدى. سونىمەن قاتار، ديسپەتچەرلىك قىزمەتتىڭ جاڭا جۇيەسى دە ەنگىزىلەدى دەپ جوسپارلانعان. 

سوڭعى جاڭالىقتار