08:29, 15 - تامىز 2015 | GMT +5
پاراگۆايدا 11 جاسار قىز انا اتاندى
استانا. قازاقپارات - پاراگۆايدا وگەي اكەسى زورلادى دەپ شامالانىپ وتىرعان 11 جاسار قىز بالا ەل بيلىگى وعان جاساندى تۇسىك جاساتۋدى رۇقسات ەتپەگەن سوڭ، بوسانۋىنا تۋرا كەلدى.

دارىگەرلەر قىز بالا مەن كەسار تىلىگىنىڭ كومەگىمەن ومىرگە كەلگەن نارەستەنىڭ دەنساۋلىعى جاقسى ەكەنىن حابارلاپ وتىر.
بۇل وقيعا پاراگۆاي جۇرتشىلىعىنىڭ جاعاسىن ۇستاتتى. ايەلدەر قۇقىقتارى ءۇشىن كۇرەسۋشىلەر قىز بالانىڭ انا اتانۋى ءۇشىن تىم جاس ەكەنىن ايتقان.
الايدا بيلىك كوزدەرى ونىڭ جۇكتىلىگىنىڭ تىم ۇلكەن مەرزىمدە انىقتالىپ، جاساندى تۇسىك جاساتۋ وتە كەش بولعانىن مالىمدەگەن.
پاراگۆاي زاڭى بويىنشا، جاساندى تۇسىك - قىلمىس، ونى انانىڭ ومىرىنە قاۋىپ ءتونىپ تۇرعان جاعدايدا عانا جاساتۋعا بولادى.
قىز بالا 10 جاسىندا جۇكتى بولدى. ونىڭ 42 جاستاعى وگەي اكەسى تۇرمەگە قامالىپ، سوت شەشىمىن كۇتىپ وتىر. ول ءوز كىناسىن مويىنداماۋدا.