09:17, 08 - ماۋسىم 2015 | GMT +5
مالايزيادا جەر سىلكىنىسىنەن قازا تاپقان 11 ءالپينيستىڭ مۇردەسى تابىلدى
استانا. قازاقپارات - قۇتقارۋشىلار مالايزيانىڭ ەڭ بيىك شىڭى كينابالۋ تاۋىنا شىققان 11 ءالپينيستىڭ مۇردەسىن تاپتى، 8 ادام ءىز-ءتۇزسىز جوعالعاندار قاتارىندا، دەپ حابارلادى BBC اگەنتتىگى.
ەسكە سالا كەتەيىك، اتالعان تاۋلى ايماقتا كەشە 6 بالدىق ءزىلزالا بولعان. جەر سىلكىنىسى سالدارىنان لاي كوشىكىنى بولدى.
ساباح شتاتىنىڭ تۋريزم جونىندەگى ءمينيسترى ماسادي ءماندجۋننىڭ مالىمدەۋىنشە، كينابالۋ تاۋىنا شىققان 130 ادام امان-ەسەن جەرگە ءتۇسىرىلدى.
ساباح شتاتىندا بولعان جەر سىلكىنىسىنەن مەكتەپ، اۋرۋحانا سەكىلدى الەۋمەتتىك ماڭىزى بار عيماراتتتار زارداپ شەكتى.
