تىكۇشاق قۇلاپ، 11 سارباز ءىز-ءتۇزسىز جوعالىپ كەتتى

استانا. قازاقپارات - ا ق ش ارمياسىنىڭ 7 تەڭىز اسكەرى مەن 4 قۇرلىق جاۋىنگەرى فلوريداداعى اسكەري تىك ۇشاعىنىڭ اپاتى كەزىندە ءىز-ءتۇزسىز جوعالىپ كەتتى، دەپ حابارلايدى Bnews.kz.

وقيعا تۇندە ا ق ش- تىڭ ەگلين بازاسىنا جاقىن ماڭدا وقۋ-جاتتىعۋ جۇمىستارىن جۇرگىزۋ كەزىندە بولعان. تىك ۇشاقپەن بايلانىس سەيسەنبى كۇنى جەرگىلىكتى ۋاقىت بويىنشا ساعات 20:30 دا ۇزىلگەن.

اسكەري بازانىڭ وكىلى ەندي بۋرلاندانىڭ (Andy Bourland) ايتۋىنشا، اراعا 5 ساعات سالىپ، تىك ۇشاقتىڭ قيراعان بولىكتەرى تابىلعان. الايدا، تىك ۇشاق بورتىنداعى اسكەريلەر جايلى مالىمەت جوق.

ماماندار وقيعانىڭ نەدەن بولعانىن انىقتاپ جاتىر.