قازاقستان شەكارا قىزمەتىنىڭ بۇرىنعى باسشىسى 11 جىلعا سوتتالدى

بۇل تۋرالى قازاقستان رەسپۋبليكاسى اسكەري سوتىنىڭ باسپا ءسوز قىزمەتى حابارلادى.

ن. جولامانوۆ پەن ق. بالماعامبەتوۆ ۇيىمداسقان قىلمىستىق توپ قۇرىپ، ساۋدا قۇرىلىمدارىنىڭ وكىلدەرىنەن زاڭسىز ءىس- ارەكەتتەر ءۇشىن، ياعني ق ر ۇ ق ك شەكارا قىزمەتىنە قاجەتتى تاۋار، جۇمىس جانە قىزمەت، مەملەكەتتىك ساتىپ الۋ جۇرگىزۋ كەزىندە بوپسالاۋشىلىق جولمەن اسا ءىرى مولشەردە اقشالاي تۇردە پارا الىپ وتىرعان دەپ ايىپتالعان ەدى.

جولامانوۆ قۇرعان جانە باسشىلىق ەتكەن ۇيىمداسقان قىلمىستىق توپ 2013 - جىلدىڭ جازىنان 2014 - جىلدىڭ تامىز ايى ارالىعىندا جالپى سوماسى 173181750 تەڭگە جانە 436000 ا ق ش دوللارى كولەمىندەگى اقشانى پارا رەتىندە العان.

سوت ۇكىمىمەن ن. جولامانوۆ 11 -جىلعا باس بوستاندىعىنان ايىرۋ، وعان تيەسىلى جەكە نەمەسە بىرلەسكەن ورتاق مەنشىك ۇلەسىندەگى مۇلكىن تاركىلەۋ، ءومىر بويى مەملەكەتتىك قىزمەتتە جاۋاپتى نەمەسە باسقارۋشىلىق قىزمەتتەر اتقارۋ قۇقىعىنان ايىرۋ، جازانى تۇزەۋ كولونياسىنىڭ قاتاڭ رەجىمىندە وتەۋگە سوتتالدى.

بۇعان قوسا، سوت قازاقستان رەسپۋبليكاسى پرەزيدەنتىنە ن. جولامانوۆتى - «گەنەرال- لەيتەنانت» اسكەري اتاعىنان جانە «2- دارەجەدەگى داڭق» وردەنىنەن ايىرۋ تۋرالى ۇسىنىس جولداۋعا ۇكىم ەتتى.

ن. ا. جولامانوۆقا قاتىستى قاماۋ تۇرىندەگى بۇلتارتپاۋ شاراسى وزگەرىسسىز قالدىرىلدى.

ق. بالماعامبەتوۆ ق ر ق ك- نىڭ 235-بابىنىڭ 3-بولىگىمەن، 366-بابىنىڭ 4-بولىگىمەن ايىپتى دەپ تانىلىپ، وكىنىش بىلدىرگەنى ءۇشىن ق ر ق ك- نىڭ 65-بابىنىڭ تالاپتارىنا ساي قىلمىستىق جاۋاپكەرشىلىكتەن بوساتىلدى.

ق. بالماعامبەتوۆكە قاتىستى ءۇيقاماقتا ۇستاۋ تۇرىندەگى شاراسى ۇكىم زاڭدى كۇشىنە ەنگەننەن كەيىن جويىلاتىن بولادى.

ايتا كەتەيىك، ۇكىم زاڭدى كۇشىنە ەنگەن جوق.

اۆتور: ءابۋ-اسقار مەكەش ۇلى