تۇركىمەنستان باسشىسى 11 شەنەۋنىككە سوگىس جاريالادى
مەملەكەت باسشىسىنان سوگىس العان 11 جوعارى قىزمەتتەگى شەنەۋنىكتىڭ ۇشەۋى ەگەر كورسەتىلگەن كەمشىلىكتەردى قىسقا مەرزىمدە جويماسا، جۇمىستان بوساتۋ تۋرالى ەسكەرتپەمەن قاتاڭ سوگىس الدى.
ولار: ۆيتسە- پرەمەر اننامۋحاممەت گوچيەۆ، سۋ شارۋاشىلىعى ءمينيسترى سەيتمۇرات تاگانوۆ پەن مەملەكەتتىك مال شارۋاشىلىعى بىرلەستىگىنىڭ ءتوراعاسى امانمۋحاممەت مۇرادوۆ.
2014 - جىلعى جۇمىس قورىتىندىسى بويىنشا پرەزيدەنتتەن اۋىل شارۋاشىلىعى ۆيتسە- ءمينيسترى انناگەلدي يازمىرادوۆ، قارجى ءمينيسترى مۇحاممەدع ۇلى مۇحاممەدوۆ، ەكونوميكا جانە دامۋ ءمينيسترى ۆەپا ابدىلحاكيموۆ، ەڭبەك جانە حالىقتى الەۋمەتتىك قورعاۋ ءمينيسترى بەگمىرات شامىرادوۆ، ءبىلىم ءمينيسترى گۇلشات ماممەدوۆا، دەنساۋلىق ساقتاۋ جانە مەديتسينالىق ونەركاسىپ ءمينيسترى نۇرمۇحاممەت اماننەپەسوۆ، باس مەملەكەتتىك سالىق قىزمەتىنىڭ ءتوراعاسى شاتلىك حۋممەدوۆ پەن اشحاباد اكىمى رەدجەپگەلدي نۋرماممەدوۆ سوگىس الدى.
«ولار قىزمەتتىك مىندەتتەرىن ءتيىستى ورىنداماعانى جانە ۆەدومستۆوعا سەنىپ تاپسىرىلعان جۇمىستاردى ۇيىمداستىرۋداعى كەمشىلىكتەرى ءۇشىن جازالاندى» ، دەلىنگەن حابارلامادا.
