قىتايدا 11 جۇمىسكەر وپىرىلىپ قۇلاعان عيماراتتىڭ استىندا قالىپ قويدى

استانا. قازاقپارات - قىتايدىڭ ورتالىق بولىگىندەگى چەنچجوۋ قالاسىنداعى كولىك جوندەۋ شەبەرحاناسىنىڭ سالىنىپ جاتقان عيماراتىنىڭ وپىرىلىپ قۇلاۋى سالدارىنان ون ءبىر جۇمىسكەر ءۇيىندىنىڭ استىندا قالىپ قويدى.

عيماراتتىڭ شاتىرى مەن قۇرىلىس اعاشتارى قۇلادى، دەپ حابارلايدى شينحۋا اگەنتتىگىنە سىلتەمە جاساعان ت ا س س.

جاراقاتتانعان بەس ادام ءۇيىندىنىڭ استىنان شىعارىلىپ، اۋرۋحاناعا جىبەرىلدى. قۇرىلىس ورنىنداعى قۇتقارۋ جۇمىستارى جالعاستىرىلۋدا.

بۇل قىتايدا سوڭعى كۇندەرى ورىن العان ءۇشىنشى كۇردەلى اپات. بۇعان دەيىن شاڭحايدا جاڭا جىل كەزىندە ادامدار اراسىندا جانشىلىپ قالعان 36 ادام كوز جۇمىپ، 50 گە جۋىعى زارداپ شەككەن بولاتىن.

قايعىلى وقيعا قالاداعى تۋريستەر كوپ جينالاتىن جەر بولىپ تابىلاتىن ۆايتاننىڭ جاعالاۋىندا ورىن الدى. ال جۇما، 2 - قاڭتار كۇنى ەلدىڭ سولتۇستىك-شىعىسىنداعى حاربيندەگى ءورت كەزىندە ءۇش ءورت ءسوندىرۋشى قازا تاۋىپ، تاعى 11 ى جاراقات الدى.