09:02, 12 - جەلتوقسان 2014 | GMT +5
اقتوبەدە 11 جاسار قىز جالىن شارپىعان ۇيدەن باۋىرلارىن امان الىپ شىقتى
استانا. قازاقپارات - اقتوبەلىك 11 جاسار قىز وتقا ورانعان ۇيدەن باۋىرلارىن امان الىپ شىقتى. توتەنشە جاعداي العا اۋدانى، نۇربۇلاق اۋىلىندا بولعان.
كامشات بايعوزى مەكتەپكە جينالىپ جاتقان كەزدە، ەلەكتر شامىنان وت تۇتانعان. ۇيدە ۇلكەندەر بولماعان. تەرەزەنى قولىمەن ۇرىپ سىندىرعان ءبۇلدىرشىن قىز 2 ءسىڭلىسىن سىرتقا الىپ شىققان.
ءۇيدىڭ كەنجەسى ءالى جاسقا دا تولماعان ەكەن. بالالار ۇيدەن شىققان بويدا، جويقىن جارىلىس بولىپتى. كامشات ەش كىدىرمەستەن، ءورت ءسوندىرۋ قىزمەتىن شاقىرعان.
كوزسىز ەرلىك جاساعان كامشاتتى تاۋەلسىزدىك مەرەكەسى كۇنى ماراپاتتاۋ جوسپارلانىپ وتىر.
24.kz
