شىمكەنتتە اۆتوبۋس اپاتقا ۇشىراپ، 11 ادام اۋرۋحاناعا ءتۇستى - كەسكىن

شىمكەنت. قازاقپارات - شىمكەنتتە جول- كولىك وقيعاسىنان 11 ادام زارداپ شەگىپ، اۋرۋحاناعا ءتۇستى، دەپ حابارلادى جەدەل جاردەم اۋرۋحاناسىنان.

تاۋكە حان داڭعىلىندا 74№ اۆتوبۋسقا «تويوتا» كولىگى كەلىپ سوعىلعان. كاۋەگەرلەردىڭ ايتۋىنشا، جەڭىل كولىك كۇتپەگەن جەردەن اتىپ شىعىپ، جولدىڭ قارسى بەتىندەگى قوعامدىق كولىكتى سوققان.

سوققىدان اۆتوبۋس جول جيەگىندەگى اعاشتى «ۇرىپ»، ارىققا قۇلاعان. سونىمەن قاتار، كوشە جارىقتارىن دا قيراتقان. اۆتوبۋستىڭ ەسىكتەرى اشىلماي، جولاۋشىلار تەرەزەدەن تۇسۋگە ءماجبۇر بولدى.

وقيعا كەزىندە اۆتوبۋستا 40 ادام كەلە جاتقان.