08:54, 02 - تامىز 2014 | GMT +5
جولاۋشىلار پويىزى جۇك پويىزىمەن سوقتىعىستى، 11 ادام جارالاندى
استانا. قازاقپارات - جۇما كۇنى كەشكە گەرمانيادا جۇك پويىزى Eurocity جۇردەك جولاۋشىلار پويىزىمەن سوقتىعىسقان. سالدارىنان ىشىندە 110 نان استام جولاۋشى بولعان ەكى ۆاگون اۋدارىلىپ قالعان.
ءبىر ادامنىڭ ءحالى اۋىر، تاعى 11 ادام جەڭىل-جەلپى جاراقات العان. قۇربان بولعاندار جوق، دەپ حابارلايدى جەرگىلىكتى ءورت كۇزەتىنىڭ وكىلى. كوپتەگەن جولاۋشىلار قاتتى ۇرەيلەنىپ قالعان، ولارمەن پسيحولوگ ماماندار جۇمىستار جۇرگىزۋدە.
اپات جەرگىلىكتى ۋاقىت بويىنشا شامامەن كەشكى ساعات 21-00 دە مانگەيما قالاسىنداعى تەمىرجول ۆوكزالى عيماراتىنان 200 مەتر جەردە ورىن العان. قازىر ۆوكزالدىڭ جۇمىسى توقتاتىلدى، دەپ حابارلايدى روسبالت.
