قاراعاندىلىق 11 جاستاعى وقۋشى تەلەفونعا قۋات بەرەتىن ەرەكشە قۇرال ويلاپ تاپتى
11 جاسار وقۋشى ءوزىنىڭ ءتول تۋىندىسىن ەرەسەكتەرگە ارنالعان "Atameken StartUp" بايقاۋىنا قاتىسىپ، جالپى قۇنى 100 مىڭ تەڭگەگە پاراپار اقشالاي سىيلىقتى جەڭىپ الدى، - دەپ جازادى "ناشا يارماركا" گازەتى.
بايقاۋدىڭ قازىلار القاسى الدىندا ول ۇيالى تەلەفوندى كەز كەلگەن ۋاقىتتا جانە كەز كەلگەن جاعدايدا قۋاتتاپ الۋدىڭ ءتاسىلىن كورسەتتى. جاس ونەرتاپقىش ويلاپ تاپقان قۇرىلعىعا ەلەكتر توعى مۇلدە قاجەت ەمەس. ونىڭ قۇرالى مەحانيكالىق ەنەرگيانى ەلەكتر توعىنا اينالدىرۋ نەگىزىندە ىسكە قوسىلادى.
قوندىرعىنى جۇمىس ىستەتۋ ءۇشىن بار بولعانى ارنايى رىچاگتى تارتسا جەتىپ جاتىر. سول ۋاقىتتا ماگنيتتى اۋماق پايدا بولادى. ول قوندىرعىنىڭ ىڭعايلىسى سول ونى 4 جاسار بالا دا ىسكە قوسا الادى ەكەن. ونىڭ امبەباپ جانە كۇننەن ەنەرگيا الاتىن ەكى ءتۇرى بار.
الديار سونداي-اق، ءوزىنىڭ ويلاپ تاپقان تۋىندىسىنىڭ ومىرشەڭدىگىن دالەلدەپ، قارجىلىق نەگىزدەمەسىنە توقتالدى. ال وعان قاجەتتى بولشەكتەر اسا قىمبات تا ەمەس. جاڭا قوندىرعىنىڭ العاشقتى ءتۇپنۇسقاسىن ونەرتاپقىش وقۋشى ءوزى جاساپ شىعارماق.
الدياردىڭ اناسى راۋشان جامبەك قىزىنىڭ جۇرەگىن تولقىتقانى ءبىر كاسىپكەردىڭ ونىڭ قاسىنا كەلىپ: "ءسىزدىڭ بولاشاعىنىڭىز وسى بالا!" دەگەن ءسوز بولىپتى.
راۋشان جامبەك قىزى ونەرتاپقىش ۇلىنىڭ ءبىرىنشى سىنىپقا 4 جاسىندا بارعانىن، ال قازىر ول جەتىنشى سىنىپقا دايىندالىپ جاتقانىن ايتتى. "بالام وتە كوپ وقيدى، كوپ ىزدەنگەنىنىڭ ارقاسىندا كوپشىلىكتى تاڭقالدىرۋمەن كەلەدى"، - دەدى ول.
"ول كەز كەلگەن ماسەلەدە ءوز بەتىمەن شەشىم قابىلداعاندى قالايدى"، - دەي كەلە ءسوزىن بىلايشا جالعاستىرادى الدياردىڭ اناسى. "ءبىلىمىن ودان ءارى جەتىلدىرە بەرگەندى جاقسى كورەدى. بىردە مىناداي قىزىق جاعداي بولدى. ۇستاز مەنەن بالاما مەكتەپ باعدارلاماسىنان تىس وقۋلىقتاردى بەرمەۋدى وتىنگەنى بار. سەبەبى ساباقتا ونىڭ ءىشى پىسىپ، ءوز الەمىندە جۇرەتىن كورىنەدى".
الدياردا بۇدان باسقا قوقىستاردى قالدىقسىز وڭدەۋگە ارنالعان جوباسىن EXPO-2017 كورمەسىنە ۇسىنۋدى جوسپارلاپ وتىر.
"مەنىڭ ويىم ادامدار قوقىستىڭ ورتاسىندا قالماسا ەكەن، كوشە بويلارىندا ءىرىپ-ءشىرىپ تۇرعىنداردى ۋلاماسا ەكەن. كەرىسىنشە قوقىستى دا كادەگە جاراتا الساق قۇبا قۇپ بولار ەدى"، - دەيدى الديار. - مەنىڭ جوبالارىمنىڭ ىشىندە سۋدى وڭدەۋ ارقىلى قۇرامىن وزگەرتەتىن جوبا دا بار. سۋدى سۋتەگىنە اينالدىرىپ، كولىككە جانارماي ورنىنا قولدانۋعا دا بولادى. ال وتتەگىن مەديتسيناعا پايدانالسا. قىسپا قوندىرعى ارقىلى باللونعا بيوگازدى ەنگىزىپ، تۇرعىندارعا ساتۋعا بولادى. سول ۋاقىتتا تۇرعىندار ەلەكتر جارىعى ءۇشىن اقشا تولەپ، تۇرعىن ءۇي شارۋاشىلىعىنىڭ قۇلى بولۋدان قۇتىلادى".
الديار ءوزىنىڭ عالامدىق يدەياسىن الدىمەن وقىپ جۇرگەن مەكتەبىندە، ارتىنان تۋعان ىقشام اۋدانى "گۇلدەردە" جۇزەگە اسىرماق نيەتتە. "بيوگاز قوندىرعىسىن تۇرمىستىق جاعجايدا بولسىن، وندىرىستىك جاعدايدا بولسىن جيناۋ اسا قيىندىق تۋعىزا قويماس"، - دەپ تولىقتىردى ءسوزىن جاس ونەرتاپقىش. - ماسەلەن، مەكتەپ اۋلاسىنان شىققان جاپىراقتار مەن شىبىقتاردى جيناپ، ونى ەلەكتر جارىعىنا اينالدىرۋعا بولادى. بۇل ءوز كەزەگىندە مەتەپتىڭ ەلەكتر جارىعىنا كەتەتىن شىعىنىن ازايتقانى بىلاي تۇرسىن، اينالانى تازا ۇستاۋعا مۇمكىندىك بەرەدى"، "بىزدە اكىمدىكپەن دە، كاسىپكەرلەر پالاتاسىمەن دە الدىن الا كەلىسىمىز بار. الداعى ۋاقىتتا ءبىز مەنىڭ بالام ويلاپ تاپقان قوندىرعىنىڭ الدىمەن قاراعاندىدا ىسكە قوسىلسا دەگەن تىلەگىمىز بار. سوندا ءبىز قوقىستى قالدىقسىز وڭدەيتىن العاشقى قالالاردىڭ ءبىرى بولامىز. بۇل - تازا ەكولوگيا، تۇرعىنداردىڭ دەنساۋلىعى"، - دەدى وقۋشىنىڭ اناسى.
tengrinews.kz
