07:45, 27 - ماۋسىم 2014 | GMT +5
اۋەجايدا ەر ادام پىشاقپەن 11 ادامدى جارالادى
استانا. قازاقپارات - بوليۆيادا لا پاس اكىمشىلىك استاناسىنىڭ حالىقارالىق اۋەجايىندا ەر ادام پىشاقپەن 11 ادامدى جارالادى.

ولاردىڭ جەتەۋى ايەل جانە ەكەۋى ەر ادام، سونىڭ ىشىندە شابۋىل جاساعان ادامدى ۇستاعان پوليتسەي دە بار، دەپ حابارلادى يتار-تاسس.
ەلدىڭ ىشكى ىستەر ءمينيسترىنىڭ ورىنباسارى حورحە پەرەستىڭ ايتۋىنشا، كىم ەكەنى انىقتالماعان41 جاستاعى شابۋىلشى جۇيكە سىرقاتىنا ۇشىراعان جان ەكەن. ونىڭ اقىل-ەسىنىڭ دۇرىس-بۇرىستىعىن ماماندار انىقتاماق.
وقيعا كۇتپەگەن جەردەن بولدى. كۇتۋ زالىندا وتىرعان قاسكۇنەم بيلەت كاسساسىنىڭ قاسىندا تۇرعان جولاۋشىلارعا كەلىپ، ءارقايسىسىنا پىشاق سۇعا باستاعان. ۇستالعاننان كەيىن ول بۇل قادامعا بارۋىنا «انا دۇنيەدەن جەتكەن داۋىستار» سەبەپ بولعانىن ايتقان.
زارداپ شەككەندەرگە مەديتسينالىق كومەك كورسەتىلدى. ولاردىڭ توعىزىنىڭ جاراقاتى اۋىر دەپ سانالادى.